IL-KAPPELLA TA’ SAN BERT FIŻ-ŻURRIEQ
pr0768
24/05/2006
| Ir-restawr u l-konservazzjoni ta’ d-diversi kappelli | mxerrdin ma’ Malta qed isiru bi programm stabbilit b’riżorsi umani speċjalizzati u limitati fi ħdan il-Ministeru. Dan qalu l-Ministru Ninu Zammit meta kien qed iżur l-aħħar fażi ta’ xogħlijiet ta’ restawr fuq il-Kappella ta’ San Bert fiż-Żurrieq. |
| Dan | ix-xogħol ikompli jgħaqqad il-katina ta’ diversi xogħlijiet ta’ restawr li saru fl-aħħar tliet snin b’mod partikolari fuq kappelli u monumenti storiċi. Il-Ministru elenka lista twila ta’ xogħlijiet li saru fosthom restawr fuq il-Kappella ta’ Ċwerra fis-Siġġiewi, ta’ San Ġakbu fiż-Żurrieq, ta’ San Ġakbu f’Ħal-Luqa, ta’ Marija Madalena f’Ħad-Dingli, ta’ Santa Katerina fl-Imqabba, Santa Katerina fil-Gudja, il-Kappella ta’ Santu Rokku fl-Imdina u l-Kappella tal-Vitorja fil-Belt Valletta. |
| Meta kien qed jispjega x-xogħlijiet u l-interventi | li qed isiru fuq il-Kappella ta’ San Bert, il-Ministru Zammit qal li l-akbar ħsara fil-Kappella tikkonsisti f’kisja cement li ġiet applikata fuq il-ħitan ta’ barra fuq l-ewwel tmien filati. Peress li din il-kisja għalqet il-pori tal-ġebla, b’rizultat li l-umdita` bdiet tiela ’l fuq, dan issa jrid jitneħħa kollu. Sfortunatament taħt is-cement instab it-tbaqqin li wkoll ikun għamel ħafna ħsara, u li sikwit jirriżulta li l-ġebla skulturata tkun tilfet ħafna mill-forma oriġinali tagħha. |
| Biex seta’ jsir dan kollu u peress li l-Kappella hi | ta’ ċertu għoli, intrema scaffolding mad-dawra kollha. Il-proċess ta’ restawr jikkonsisti fit-tneħħija tas-cement kollu bil-paċenzja, bil-galbu u bl-idejn sabiex ma ssirx iżjed ħsara, u l-ġebel skulturat reġa’ ingħata l-forma oriġinali tiegħu billi ġie ffurmat b’taħlita ta’ tajn apposta. Il-fili l-miftuħa reġgħu ġew imkaħħla kollha mad-dawra kollha tal-Kappella. Il-koppla u l-bejt kellhom xi ħsarat u qed jissewwew kif ukoll jingħataw kisja deffun. Ha jsiru wkoll xi trinek b’kooperazzjoni ma’ l-Enemalta biex titjieb is-sistema tad-dawl u jitneħħew xi wires minn mal-kappella. |
| Ix-xogħol inbeda fil-bidu ta’ April 2006 u mistenni | li jitlesta sa l-aħħar ta’ Ġunju ta’ din is-sena peress li għad baqa’ jsir restawr fuq l-aktar ħajt li għandu ħsara. |
| Xogħlijiet ta’ din in-natura jeħtieġu riżorsi umani | speċjalizzati fuq is-sengħa tal-bini u r-restawr, u għaldaqstant il-Ministeru bħalissa għaddej b’taħriġ lill-ħaddiema u nħarġu applikazzjonijiet apposta sabiex is-sezzjoni tar-Restawr tkun mgħammra b’ħaddiema kompetenti fil-qasam tar-restawr. |
| Is-sezzjoni tar-restawr, bħal sezzjonijiet u | dipartimenti oħra fi ħdan il-Ministeru għar-Riżorsi u l-Infrastruttura, għaddejja b’ħidma kontinwa favur il-konservazzjoni ta’ bini storiku. Matul din is-sena qegħdin u se jkunu qed jiġu mwettqa numru sostanzjali ta’ xogħlijiet fosthom il-Kappella ta’ Santa Lucija fl-Imtarfa, il-Kappella ta’ San Girgor fiż-Żejtun, beda x-xogħol fuq il-Kappella ta’ Ċeppuna fil-Marsa, għaddej ix-xogħol fuq il-Knisja ta’ Sarria fil-Furjana u hu pprogrammat li jsir xogħol fuq il-Kappella ta’ San Bażilju u San Mikiel fl-Imqabba, u l-proġett ta’ konservazzjoni fil-Knisja l-qadima tas-Siġġiewi. |
| Il-Ministru temm jgħid li l-Gvern preżenti verament | jemmen fil-kapaċitajiet ta’ riżorsi umani fi ħdan is-Servizz Pubbliku. Fl-aħħar tlett snin il-Ministeru nvesta f’xiri ta’ apparat u makkinarju u f’taħriġ lill-ħaddiema fid-diversi snajja’. Dan kollu sar bil-għan li l-ħaddiema jkunu attrezzati bl-aħjar mod possibbli u llum qed jiġi msarraf f’xogħlijiet imwettqa fi żmien stipulat fuq livelli għolja ta’ kwalita’ u bl-inqas spiża teknikament possibbli. |
Stqarrijiet Oħra:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958