Left arrow Go Back

LM 4,000 F’KOTBA GĦALL-ISKEJJEL TA’ BIRŻEBBUĠIA

pr0764
Date Icon 24/05/2006

Aktar minn Lm4,000 f’kotba ngħataw lil-libreriji ta’ l-iskejjel tal-Gvern f’Birżebbugia. Il-kotba li ngħataw mill-kumpanija Oiltanking Malta Ltd jinkludu kotba għat-tfal ta’ l-etajiet ta’ l-iskola primarja kif ukoll set kotba għall-iżvilupp professjonali ta’ l-għalliema li jiffurmaw parti mill-Kulleġġ San Benedittu.

Għalkemm l-inizjattiva kienet ittieħdet mill-kap ta’ l-iskola primarja ’B’ ta’ Birżebbuġia tliet snin ilu, meta l-iskejjel ta’ Birżebbuġia saru parti mill-Kulleġġ San Benedittu, il-kumpanija Oiltanking fehmet il-kunċett tan-networking u ddeċidiet testendi l-isponsorship tagħha biex il-kotba jkopru wkoll l-iskola primarja ‘A’ ta’ Birżebbuġia kif ukoll kotba għall-iżvilupp professjonali ta’ l-Għalliema tal-Kulleġġ.

Id-Direttur tal-kumpanija Oil Tanking Malta Ltd, is-Sur Sonke Stein qal li meta l-kumpanija ġiet ikkuntattjata mill-iskola biex tgħin fix-xiri tal-kotba għal-librerija ta’ l-iskola, il-kumpanija mill-ewwel ħasset li din kienet opportunità biex tkompli bl-impenn soċjali tagħha fil-komunità ta’ Birżebbuġia, iżda wkoll opportunità biex tgħin fl-edukazzjoni tat-tfal, li hu l-aħjar investiment li wieħed jista jagħmel.

“Oiltanking Malta tixtieq li t-tfal kollha ta’ Birżebbuġia jgawdu minn dan ir-rigal. Aħna nagħtu attenzjoni partikolari lill-iżvilupp tat-tfal u ż-żgħażagħ ta’ Birżebbuġia għax nemmnu li b’edukazzjoni tajba dan il-pajjiż sabiħ jistagħna fl-Unjoni Ewropea.”

Il-Ministru Galea tkellem dwar l-importanza tan-networking bejn l-iskejjel għall-benefiċċju reċiproku ta’ l-iskejjel u l-aktar għall-benefiċċju tat-tfal. Hu qal li minn mindu beda l-proġett pilota tal-kulleġġi ta’ Għawdex, Kottonera u San Benedittu, diġà bdew jinħassu ċerti benefiċċji u hemm diversi esperjenzi pożittivi li qed iħallu ħafna frott. L-attività ta’ llum ukoll turi kemm hu importanti li l-iskejjel jaħdmu flimkien u dan wassal biex l-iskejjel jiksbu aktar appoġġ kif ukoll riżorsi għall-għalliema kollha tal-kulleġġ. Hu qal ukoll li l-attività ta’ llum torbot ukoll mal-miri tal-kulleġġ li jkompli jtejjeb il-livell ta’ qari u kitba fil-Malti u l-Ingliż fost it-tfal tal-kulleġġ.

Louis Galea temm jirringrazzja lill-kumpanija Oiltanking Malta Limited għall-appoġġ u l-impenn kontinwu tagħhom fil-komunità. Hu qal li l-Oiltanking Malta ilha għal numru ta’ snin issa tagħti appoġġ konkret fil-komunità ta’ Birżebbuġia u li mingħajr dan l-appoġġ, ċerti iniżjattivi forsi ma jkunux possibbli.

Hu faħħar ukoll l-impenn tal-Kapijiet ta’ l-iskejjel ta’ Birżebbuġia u l-ħidma tal-ko-ordinatriċi tal-Kulleġġ San Benedittu, is-Sinjorina Marylyn Sciortino.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow