Left arrow Mur Lura

Triq fi Spanja tissemma għal Malta

pr0737
Date Icon 18/05/2006

Dan l-aħħar, żdiedet triq oħra mal-lista tat-toroq imsemmija għal Malta, din id-darba fi Spanja.  L-Avenida de la República de Malta, f’raħal ċkejken ta’ 18,000 ruħ jismu Tavernes de la Valldigna ftit ‘il bogħod minn Valencia, ġiet inawgurata mill-Ambaxxatur ta’ Malta f’Madrid, Gaetan Naudi, flimkien mas-Sindku tal-post, Eugenio Pérez-Mifsud u s-Sindku tal-Belt Valletta, Paul Borg Olivier.   

Is-Sindku tal-Belt Valletta  gie mistieden, flimkien ma’ delegazzjoni mdaqsa Maltija, għal din l-attività bħala parti minn programm ta’ tħejjija għall-inawgurazzjoni ta’ wirja dwar l-Imperatur Karlu V ta’ Spanja li se tittella’ f’Malta, b’kollaborazzjoni bejn il-gvern tal-Comunidad Valenciana, permezz tal-Fundazzjoni Jaume II el Just, u bl-assistenza ta’ l-Assoċjazzjoni Amigos de Malta, mal-Ministeru Malti ta’ l-Edukazzjoni, Zgħazagħ u Xogħol. 

Fl-okkażjoni ta’ l-inawgurazzjoni tat-triq, il-Maltin kellhom l-opportunità li jsiru jafu lil bosta ċittadini ta’ Tavernes li għadhom iġibu sal-lum il-kunjom Mifsud, inkluż l-istess Sindku tal-lokal.  Kien ċertu Lorenzo Mifsud Borg miż-Żejtun li, lejn l-aħħar żminijiet tas-seklu Tmintax, kien emigra lejn Tavernes, fejn kien baqa’.  Fil-Comunidad Valenciana fi Spanja wieħed jiltaqa’ ma’ bosta familji li jġibu kunjomijiet Maltin: il-kappillan ta’ raħal iehor jismu Navarrés, Vicente Sicluna-Hernández, li qrabatu oriġinarjament kienu minn Ħal Għaxaq, ġie beatikat mill-mejjet Papa Ġwanni Pawlu II.   

L-Ambaxxatur Malti fi Spanja, flimkien mad-delegazzjoni Maltija li kienet Valencia, ipparteċipaw ukoll fil-quddiesa iddedikata lil Malta, nhar il-Ħadd filgħodu għall-okkażjoni tal-festa ta’ San Ġużepp, il-padrun ta’ Valencia, fil-Bażilika tal-Madonna ta’ l-Abbandunati.  L-Ambaxxatur u d-Direttur tal-Fundazzjoni qraw il-lezzjonijiet bl-Ispanjol, filwaqt li l-mara ta’ l-Ambaxxatur poġġiet bukkett fjuri f’isem il-Maltin quddiem l-istatwa tal-Madonna.  Ta’ min wieħed jiftakar li qabel ma laħaq l-64 Gran Mastru ta’ l-Ordni fis-sena 1698, Fra Ramón Perellós y Rocaful, li kien minn Valencia, kien bena kappella fil-viċinanzi ta’ San Pawl il-Baħar, iddedikata lill-istess Verġni ta’ l-Abbandunati, li għadha teżisti sal-lum.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow