Left arrow Go Back

‘GO MOBILE’ TISPONSORJA PARTI MILL-PARK NAZZJONALI TAS-SALINA

pr0727
Date Icon 17/05/2006

Bl-għajnuna tal-Go Mobile, illum ġiet inawgurata sezzjoni ġdida fil-Park Nazzjonali tas-Salina, fejn tħawwlu madwar 1,000 siġra u arbuxell. Dan it-tħawwil ta’ siġar huwa parti mill-kampanja Tree For You (34U) li nieda l-Gvern għall-afforestazzjoni f’Malta u li permezz tagħha se jgawdi l-poplu kollu.

L-estensjoni tal-Park Nazzjonali tas-Salina saret fuq art abbandunata li l-Gvern ħa f’idejħ għal wieħed mill-proġetti ta’ afforestazzjoni. Meta jitlesta l-proġett kollu tas-Salina, il-park se jkun ħames darbiet akbar minn Kennedy Grove kif nafuħ illum.

Il-park se jinkorpora fiħ żona ta’ wetland, żona rikreattiva għall-picnics, żona għal-logħob u ġnien formali li parti minnu ġie sponsorjat mill-Go Mobile, u li issa nfetaħ għall-pubbliku.

Meta ġie ppreżentat bid-donazzjoni għat-tħawwil tas-siġar fis-Salina mis-Sur Peter Gauci, Deputy CEO tal-Go Mobile, il-Ministru għall-Affarijiet Rurali u l-Ambjent qal li: “Ta’ min ifaħħar l-inizjattiva, l-impenn u l-investiment tal-Go Mobile fl-ambjent Malti. Jiena nappella biex kumpaniji oħra jieħdu l-eżempju tal-Go Mobile u kumpaniji oħra li taw il-kontribut tagħhom għat-tħawwil ta’ aktar siġar.”

Huwa rringrazzja wkoll lis-Sindku u l-Kunsill Lokali ta’ San Pawl il-Baħar għall-għajnuna li qed jagħtu fix-xogħlijiet li għaddejjin fuq dan is-sit. Din is-sena beda t-taħwil ta’ madwar 11,000 siġra fis-siti ta’ Xrobb l-Għaġin, il-Park Nazzjonali f’Ta’ Qali, is-Salina u l-Mellieħa.

Dawn il-proġetti huma xhieda ta’ l-impenn tal-Gvern biex iżid iż-żoni bis-siġar u s-siti għar-rikreazzjoni u t-tgawdija tal-familji Maltin. “Aħna lkoll nafu l-benefiċċji li jħallu s-siġar fuq l-ambjent, mhux biss għad-dehra estetika tal-pajjiż imma wkoll, u iżjed importanti, għas-saħħa u l-kwalità tal-ħajja taċ-ċittadini,” qal il-Ministru Pullicino.

“L-afforestazzjoni hija prijorità fuq l-aġenda tal-gvern, għad li dan mhuwiex proġett tal-gvern imma tal-poplu Malti u Għawdxi kollu. Huwa wkoll inkoraġġanti li kumpaniji qegħdin jinvestu fl-ambjent bħala parti mir-responsabbiltà soċjali tagħhom.”

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow