IL-PRIM MINISTRU JIKKUNDANNA ATTI TA’ INTIMIDAZZJONI
F’isem il-Gvern u l-poplu Malti, il-Prim Ministru Lawrence Gonzi jikkundanna bl-akbar qawwa u mingħajr ebda riserva, l-atti ta’ intimidazzjoni li twettqu dan l-aħħar fil-konfront ta’ individwi li wħud minnhom huma involuti fil-kamp ġurnalistiku Malti, waqt li oħrajn jaħdmu fil-qasam relatat ma’ l-immigranti.
Filwaqt li juri solidarjeta’ mal-vittmi kollha ta’ dawn l-atti kriminali, il-Prim Ministru jerġa jtenni l-kundanna kontra kull forma ta’ intimidazzjoni, speċjalment jekk din tkun instigata minn elementi marbuta ma atitudni razzista.
Il-Gvern iwiegħed l-impenn sħiħ tal-forzi ta’ l-ordni biex jinstabu l-persuni li huma responsabbli għal dawn l-atti kriminali. Fl-istess ħin, il-Gvern jistenna li kull min jista’ jikkontribwixxi sabiex jinqabdu l-kriminali li qed iwettqu dawn l-atti, jagħmel dmiru u jagħti sehmu. L-isforz tal-poplu kollu huwa meħtieg sabiex nissalvagwardjaw il-valuri li huma s-sinsla tal-poplu Malti u Għawdxi.
Il-Prim Ministru jrid jafferma mill-ġdid l-impenn sħiħ tal-Gvern sabiex ikompli jibni soċjeta’ msejsa fuq ir-rispett lejn kull bniedem u d-drittijiet tiegħu, it-tolleranza u s-solidarjeta’.
Stqarrijiet Oħra:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958