Left arrow Go Back

ŻJARA TA’ KORTESIJA LIS-SEGRETARJU PARLAMENTARI FRANCIS AGIUS MILL-KUMMISSARJU GĦOLI INGLIŻ GĦAL MALTA

pr0693
Date Icon 11/05/2006

Il-Kummissarju Għoli Ingliz għal Malta, Mr Nicholas Archer, dalgħodu għamel żjara ta’ kortesija lis-Segretarju Parlamentari responsabbli għall-Agrikoltura u Sajd, Dr Francis Agius.

Matul din il-laqgħa iż-żewg naħat tkellmu dwar l-għajnuna li r-Renju Unit qed jgħati lis-servizz veterinarju Malti.

Dr Agius spjega kif il-kuntratt tal-proġett ‘twinning full’ ġie ffirmat ftit tal-ġimghat ilu u diġa` bdiet il-ħidma meħtiega. Il-proġett li jiswa miljun ewro u huwa kollu kemm hu ffinanzjat mill-Unjoni Ewropea.

Esperti veterinarji mir-Renju Unit se jaħdmu mal-kollegi tagħhom Maltin biex imexxu korsijiet ta' taħrig, jippreparaw u jsaħħu proċeduri standard għall-operat ta’ attivitajiet regolatorji u jiggwidaw l-industrija tal-bhejjem. Uffiċjali Maltin ser jagħmlu ukoll żjarat ta' studju fir-Renju Unit.

Il-proġett ser jindirizza ħames attivitajiet importanti u speċifici ta' regolamentazzjoni:

• Trattament xieraq ta' l-annimali biex jiġi żgurat li l-livelli meħtieġa ta' trattament xieraq ta' l-annimali jinżammu mill-bdiewa u mir-raħħala li jrabbu baqar, nagħag, mogħoz, majjali u tiġieġ, kif ukoll dawk li jġorru annimali, operaturi ta' biċċeriji u sidien ta' annimali domestiċi (pets).

• Mediċini Veterinarji biex jippermettu lid-Diviżjoni ta’ l-Ikel u l-Attivita` Veterinarja ssaħħaħ il-kontrolli tagħha fuq l-importazzjoni, id-distribuzzjoni u l-użu ta' mediċinali veterinarji.

• Produzzjoni tal-Ħalib biex jiġi zgurat li l-produtturi tal-ħalib ikomplu jsaħħu l-livelli ta' iġjene u nutrizzjoni.

• Għalf ta' l-Annimali biex id-Diviżjoni ta’ l-Ikel u l-Attivita` Veterinarja tkun tista' tiżgura li l-manifatturi u d-distributuri kollha ta' l-għalf ta' l-annimali jżommu l-livelli ta' iġjene, sigurta` u kwalita` skond kif stipulat mil-leġiżlazzjoni ta' l-Unjoni Ewropea.

• Biċċeriji tat-Tjur biex jiġi żgurat li l-biċċeriji kollha li diġa` huma approvati f' Malta u f’Għawdex iżommu l-livelli meħtiega għas-sigurta` ta' l-ikel, il-kontroll tat-tixrid tal-mard ta' l-annimali u t-trattament xieraq ta ' l-annimali.

Dr Agius enfasizza li d-Divizjoni ta’ l-Ikel u l-Attivita` Veterinarja m'għandhiex biss ir-responsabbilita` li tinforza l-konformita` mar-regolamenti ta' l-Unjoni Ewropea, izda anki biex tiżgura li s-setturi kollha ta' l-industrija jifhmu x'jenħtieġu minnhom ir-regolamenti u biex tipprovdilhom għajnuna teknika għal dawn l-għanijiet. Meta jkun qed isir dan, inkunu wkoll qed nieħdu ħsieb is-saħħa tal-konsumatur.

Dan il-proġett għaldaqstant ser iħarreg mhux biss lill-impjegati tad-Divizjoni ta’ l-Ikel u l-Attivita` Veterinarja, izda anke raħħala, għaqdiet mhux governattivi, proċessuri ta' prodotti ta' l-annimali u dawk li jfornu għalf u mediċini ta' l-annimali, temm jgħid Dr Agius.

Da parti tiegħu, il-Kummissarju Għoli Ingliż sostna li r-Renju Unit ser ikompli jgħin lil Malta kif għamel fil-passat fejn tidħol l-Agrikoltura u servizzi veterinarji.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow