Left arrow Mur Lura

IL-PALAZZ TA’  VERDALA

pr0678
Date Icon 08/05/2006

Fl-okkażjoni tac-ċelebrazzjonijiet ta’ Jum il-Familja, l-Uffiċċju tal-President ta’ Malta għat-tieni sena konsekuttiva qed jistieden lill-familji Maltin sabiex iżuru l-Palazz ta’ Verdala u jgawdu l-wirt kulturali ta’ pajjiżna. 

L-Uffiċċju tal-President ta’ Malta, bil-kollaborazzjoni ta’ Heritage Malta ser jorganizza attivita` nhar il-Ħadd, 21 ta’ Mejju 2006. Iż-żjara kulturali tibda fl-10.00 a.m. u tinkludi laqgħa mal-President ta’ Malta u s-Sinjura Fenech Adami.

Biljetti għal din l-attivita` jinkisbu mill-Uffiċċju Ċentrali ta’ Heritage Malta li jinsab fi Triq il-Merkanti, Valletta. Biljetti għall-adulti jiswew Lm1 il-wieħed filwaqt li dawk għall-anzjani u studenti jiswew 50ċ-il wieħed. Tfal taħt l-10 snin jidħlu b’xejn.  

Massimu ta’ 150 persuna jistgħu jattendu u jinqasmu fi tlett gruppi. Il-biljetti jinxtraw u jinġabru sa mhux aktar tard minn nhar il-Ġimgħa, 19 ta’ Mejju 2006 sa l-4.00 p.m., jekk ma jkunux inbiegħu qabel. Aktar informazzjoni tista’ tinkiseb mingħand Heritage Malta fuq in-numru tat-telefon 21 225 769, jew inkella bil-posta elettronika info@heritagemalta.org

Il-Palazz ta’ Verdala inbena mill-Perit Gerolamo Cassar fl-1586 għall-Gran Mastru Verdalle f’żona remota tal-Boschetto, fejn kien hemm wied mimli bis-siġar li kien jipprovdi għal żona tajba għall-kaċċa.

Meta l-Ingliżi waslu Malta fl-1800, il-Palazz intuża bħala ħabs u għal diversi snin wara tħalla fi stat ta’ abbandun sakemm il-Gvernatur Sir William Reid għamel xogħol estensiv ta’ restawr fl-1855. 

Fl-1982, il-Palazz beda jintuża bħala residenza tal-gvern għall-Kapijiet ta’ Stat li jżuru Malta. Meta Paul Xuereb laħaq Aġent President, għażel il-Palazz ta’ Verdala bħala r-residenza uffiċjali tiegħu. 

Il-Palazz bħalissa jintuża bħala r-residenza uffiċjali tas-sajf tal-President ta’ Malta.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow