Left arrow Go Back

“IL-KOMUNITA’ TAL-MELLIEĦA TAGHTI VALUR LIL DAK KOLLU LI JAGĦMILNA MALTIN” –  IL-PRESIDENT TA’ MALTA FIL-MELLIEĦA

pr0675
Date Icon 07/05/2006

“Il-Mellieħa lokalita’ mill-isbaħ u b’karatteristiċi li jirriflettu l-identita’ tal-poplu Malti permezz ta’ ħidma mill-volontarjat ” qal il-President Eddie Fenech Adami  lill-Kunsill Lokali fl-aħħar jum ta’ żjara uffiċjali fil- Mellieħa. 

Il-President sostna li l-esperjenza tiegħu fil-Mellieħa kienet pożittiva: il-Mellieħa hija lokalita’ vibranti b’komunita’ li tagħti valur lil dak li jagħmilna Maltin. Iż-żjara fl-iskola Primarja Marija Bambina bl-organizazzjoni u l-armonija tagħha, il- laqgħa li kellu  madwar erbgħin organizazzjoni volontarja  dedikati għall-ġid tal-komunita’ flimkien ma’ l-esperjenzi  ta’ llum il-Ħadd, mill-quddiesa ta’ kmieni sa ż-żjarat fil-każini u għaqdiet sportivi, kulturali u religjużi,  seta` jara  frott ħidmiet il-mexxejja tagħhom flimkien mal-Kunsill Lokali.

Il-President sostna li n-numru ta’ nies li jattendu l-quddies jixhed li l- Mellieħa għandha l-valuri ta` l-komunita`  ħajja  madwar il-Knisja u hija solidali.

Il-President Fenech Adami, filwaqt li rringrazzja lis-Sindku s-Sur John Buttigieg u l-Kunsilliera ta’ l-istedina tagħhom, faħħar l-impenn tal-Kunsilliera li filwaqt li jżommu l-armonija bejniethom u bejn il-komunita’,  jixhdu li permezz tal-Kunsill Lokali irnexxielhom joħolqu dinamiżmu li hu rifless fid-diversi għaqdiet fil-Mellieħa.

Il-President żar il-Parroċċa Marija Bambina, is-Santwarju tal-Madonna tal-Mellieħa u l-mużew, il-Mellieħa Nursery fil-ground ta’ Pennellu u l-proġett ta’ biswietu, kif ukoll mal-membri tal-Mellieħa Sports Club, is-Soċjeta’ Filarmonika La Vittoria, il-Banda Imperial, l-Għaqda Korali u Orkestrali Marija Bambina u lill-George Fenech pittur li bl-arti  tiegħu qed jimmortalizza ħafna xeni tal- Mellieħa.

Il-President iltaqa’ maż-żgħażagħ tal-Mellieħa  fiċ-ċentru parrokkjali kif ukoll ippreżenta t-trofej lil uħud mir-rebbieħa tal-Maratona organizzata mill-Mellieħa Athletics. 

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow