Left arrow Mur Lura

IL-KAP TA’ L-OPPOŻIZZJONI U L-EŻEMPJI TAD-DUAL PRICING

pr0657
Date Icon 03/05/2006

Id-dual pricing huwa għodda importanti sabiex il-konsumatur u n-negozjant isiru familjari mal-munita euro. Kulħadd jaqbel li jekk irridu bidla għal munita euro mingħajr skossi u li tkun waħda li ma ttappanx il-vantaġġi li l-munita euro tista’ tagħti lil pajjiżna, billi jkun hemm għoli ta’ prezzijiet fil-mument tal-bidla, irridu nużaw kull għodda għad-dispożizzjoni tagħna biex nedukaw lill-konsumatur u lill-operaturi fis-settur tan-negozju, kif għandha ssir il-bidla fil-prezzijiet. 

Dan huwa rikonoxxut anke fil-qafas legali ta’ l-Unjoni Ewropea, filwaqt li huwa rrakkomandat mill-Unjoni Ewropea bħala miżura indispensabbli fit-twettiq tal-preparamenti għall-introduzzjoni tal-euro.

B’referenza għall-eżempji mogħtija mill-Kap ta’ l-Oppożizzjoni, l-Onor. Alfred Sant, rigward dual pricing reċentament, tajjeb li jiġi ppreċiżat li l-eżempji mogħtija mill-Kap ta’ l-Oppożizzjoni ma jimxux mal-linji gwida ppubblikati mill-Kumitat Nazzjonali għall-bidla fl-euro (NECC). Hekk kif tiġi mgħoddija mill-Parlament il-Liġi dwar l-Addozzjoni tal-euro, l-eżempji mogħtija mill-Kap ta’ l-Oppożizzjoni, jkunu kkunsidrati bħala abbuż u ksur tal-liġi. 

Il-linji gwida ppubblikati mill-NECC, jistabilixxu li fejn bejjiegħ jagħżel li jesibixxi l-prezz ta' oġġett u/jew servizz ukoll bl-euro:

-   Il-konsumatur mhuwiex obbligat li jħallas bl-euro. Bl-istess mod il-bejjiegħ mhuwiex obbligat li jaċċetta l-pagament bl-euro b'dak il-prezz;

-   Il-wiri tal-prezz bl-euro m’għandux ikollu post aktar prominenti mill-prezz bil-lira Maltija.

-   Il-prezz muri bl-euro għandu jkun il-prezz ta' l-oġġett u/jew tas-servizz bil-lira Maltija bir-rata ta' kambju ċentrali ta' Lm0.4293 għal kull euro;

-    Meta bejjiegħ bi ħsiebu jaċċetta pagament bl-euro u japplika ħlas addizzjonali għal prezz konvertit fl-euro, hu/hi għandhom juru b'mod ċar u f'post prominenti fil-post fejn isir il-bejgħ, avviż kemm bil-Malti kif ukoll bl-Ingliż li jgħid:

"Il-prezzijiet murija bl-euro ġew konvertiti mill-prezz bil-lira Maltija bir-rata ta' kambju ċentrali ta' euro 1 = Lm0.4293 għall-għanijiet ta' informazzjoni biss. Kull bejgħ li jsir bl-euro jista' jkun suġġett għal ħlas addizzjonali marbut mal-kambju tal-munita ta' l-euro għal-lira Maltija".

Dan il-ħlas addizzjonali għandu jiġi muri b'mod ċar u f'post prominenti fil-post fejn isir il-bejgħ.  

Wieħed huwa mitlub li jsegwi dawn il-linji gwida meta jiġi biex jagħmel dual pricing fin-negozju tiegħu. 

Ta’ min ifakkar li survey ippubblikat mill-Eurobarometer, juri li l-Maltin huma l-iktar poplu favur id-dual pricing mill-pajjiżi kollha li għadhom iridu jintroduċu l-euro. 93% tal-poplu Malti huwa favur id-dual pricing. F’survey ieħor mill-Eurobarometer, 77% tal-Ewropej li diġa’ jħaddnu l-euro, sabu d-dual pricing bħala għodda ferm importanti fil-proċess għall-bidla fl-euro.  

Dan jikkontrasta ferm ma’ dak li ddikjara il-Kap ta’ l-Oppożizzjoni, l-Onor. Alfred Sant li d-dual pricing huwa meqjus bħala proċess bla sens.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow