Left arrow Mur Lura

STQARRIJA MILL-MINISTERU TAL-ĠUSTIZZJA U L-INTERN DWAR BDIL FIL-KOMPOZIZZJONI TA’ L-ASSOĊJAZZJONI TAL-KUNSILLI LOKALI

pr0652
Date Icon 03/05/2006

B’referenza għal rapport li deher fil-media, fis-sens li l-Kap ta’ l-Oppożizzjoni l-Onor. Alfred Sant talab lill-Kumitat tar-Reġjuni ta’ l-Unjoni Ewropea sabiex tgħin lill-Partit ta’ l-Oppożizzjoni fil-kampanja tiegħu għall-bdil fil-kompożizzjoni ta’ l-Assoċjazzjoni tal-Kunsilli Lokali, il-Ministeru tal-Ġustizzja u l-Intern jirrileva li fl-24 t’April 2006, jiġifieri tliet ijiem qabel ma’ l-Kap ta’ l-Oppożizzjoni għamel din l-istqarrija, il-Gvern bagħat lill-Oppożizzjoni, abbozz ta’ emenda li tiggarantixxi li min għandu maġġoranza ta’ Kunsillieri (assoluta jew relattiva) ikollu maġġoranza ta’ membri fl-Esekuttiv ta’ l-Assoċjazzjoni. 

Sal-lum ma kien hemm l-ebda reazzjoni għal din il-proposta, u dan il-fatt konvenjentement tħalla barra mid-diskors tal-Kap ta’ l-Oppożizzjoni.  Dan ifisser li meta l-Kap ta’ l-Oppożizzjoni kien qed jitkellem dwar “deficit demokratiku” u li  “s-sitwazzjoni issa ħżienet”,  kellu diġà f’idejh l-emenda proposta li dwarha  l-Oppożizzjoni baqgħet siekta. 

Kuntrarjament għal dak li kienet tgħid l-Oppożizzjoni, il-Gvern dejjem insista li kull kunsillier għandu jkollu vot indaqs bħal kunsillier ieħor.  Issa li hemm maġġoranza ta’ kunsillieri tal-Partit ta’ l-Oppożizzjoni, dan għandu jiġi rifless fl-Eżekuttiv ta’ l-Assoċjazzjoni.  L-emenda li l-Gvern bagħat lill-Oppożizzjoni tagħmel proprju dan.  Għalhekk il-Gvern ma jistax jifhem ir-raġuni għaliex il-Kap ta’ l-Oppożizzjoni ma semmiex din l-emenda, u għamel ta’ bir-ruħu li ma teżistix.  

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow