Left arrow Mur Lura

Studenti ta’ l-iSkola Primarja ta’ Ħaż-Żebbuġ jipparteċipaw fl-inizjattiva ‘Għid Grazzi’

pr0650
Date Icon 02/05/2006
“It-tfalta’ din l-iskola ħadmu flimkien biex ikomplu jwasslu l-messaġġ tagħna li lkoll irridu niftakru ngħidu “grazzi” lil xulxin.  Dan il-messaġġ tgħallmuh it-tfal, u jiena ċert li wassluh ukoll lill-ġenituri taghħhom.”  Is-Segretarju Parlamentari għan-Negozji Żgħar u s-SelfEmployed, Edwin Vassallo, kien qiegħed jitkellem waqt żjara li għamel fl-iSkola Primarja B ta’ Ħaż-Żebbuġ.  L-istudenti ta’ din l-iskola ħadu nteress fil-kampanja ‘Għid “Grazzi”’, imnedija mis-Segretarjat għan-Negozji Żgħar u s-SelfEmployed u għamlu numru ta’ proġetti fl-ogħla klassijiet, biex jagħtu mportanza lil dan il-kunċett.
“Il-kampanja‘Għid “Grazzi” hi kampanja edukattiva favur li aktar nies jgħidu grazzi, mhux biss minn naħa tan-negozjanti, iżda wkoll minn naħa tal-konsumaturi.  Irridu niftakru li min qiegħed fin-negozju jrid ikun ta’ servizz, u mhux qiegħed fin-negozju biex jagħmel profitt biss.  Iżjed ma mprenditur ikun ta’ servizz, iżjed ikun qiegħed jaqdi l-iskop soċjali tiegħu.  Fuq kollox, negozjant li jagħti servizz tajjeb jista’ jkun żgur li jżomm u jkabbar il-klijentela tiegħu, u b’hekk ikabbar il-bejgħ,” kompla jgħid is-Segretarju Parlamentari.
“Jienaġejt hawn illum biex nirringrazzja lill-istudenti ta’ din l-iskola, li wrew interess, tant li fil-klassijiet tagħhom għamlu proġetti dwar il-kelma “Grazzi” fis-suq.”  Fil-fatt, il-progetti li saru mill-istudenti twaħħlu fuq noticeboards fl-iskola, u bihom l-istudenti rringrazzjaw lis-sidien tal-ħwienet tas-servizz li jagħtu.

L-Onor. Vassallo wera l-apprezzament tiegħu għax-xogħol li sar f’din l-iskola bil-preżentazzjoni ta’ numru ta’ kotba lil dawk il-klassijiet li pparteċipaw fil-proġett għal-librerija tal-klassi.  L-Onor. Edwin Vassallo ippreżenta l-kotba lill-Kap ta’ l-iSkola, li akkumpanjatu fiż-żjara tiegħu, li mbagħad qassmet il-kotba lill-għalliema ta’ kull klassi.  “Il-ħsieb tagħna fl-ogħti ta’ dawn il-kotba huwa biex inħeġġu aktar tfal jaqraw, biex b’hekk iħaddnu tagħlim ġdid li fl-aħħar mill-aħħar jgħinhom ‘il quddiem fil-ħajja tax-xogħol tagħhom” kompla l-Onor. Vassallo.  

Is-SegretarjuParlamentari Edwin Vassallo qal ukoll li “din l-iskola ta’ Ħaż-Żebbuġ hija wkoll waħda mill-iskejjel li s-sena d-dieħla ser tkun qiegħda tintroduċi programm ta’ edukazzjoni fl-imprenditorija li jibda mill-iskejjel primarji, biex b’hekk il-mentalita’ imprenditorjali titkattar minn eta zgħira.”
Fitmiem iż-żjara, l-Onor. Vassallo rringrazzja għal darb’oħra lill-istudenti għall-parteċipazzjoni tagħhom f’din l-inizjattiva, u lill-Kap ta’ l-iSkola li qiegħda taħdem biex l-istudenti jibdew japprezzaw dak li jfisser xogħol, partikolarment għal dawk li jaħdmu għal rashom.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

Aktar Stqarrijiet Right arrow