Left arrow Go Back

IL-GVERN IRID JIŻGURA LI S-SUQ JAĦDEM B’MOD ĠUST

pr0631
Date Icon 28/04/2006

Il-Gvern jinnota li fl-istqarrija tagħha tal-llum, il-Kamra tal-Kummerċ, bħall-GRTU, għandha l-istess preokkupazzjoni tal-Gvern li s-suq ħieles mhux qed jaħdem biex jiżgura prezzijiet raġjonevoli fl-ikel u fil-mediċini.  Il-Gvern jittama li dawn l-organizzazzjonijiet jaħdmu miegħu sabiex jittieħdu l-miżuri kollha li hemm bżonn biex ikunu mħarsa d-drittijiet tal-konsumatur Malti. 

Wieħed irid ifakkar li kien Gvern immexxi mill-Partit Nazzjonalista li sa mill-1987 ħadem bla heda biex f’Malta jaħdem suq liberalizzat li jiżgura varjetà, kwalità u għażla.  L-aħħar pass f’din it-triq twila kienet it-tneħħija tal-levies bid-dħul ta’ Malta fl-Unjoni Ewropea.  Din hija triq li dan il-Gvern ħadem għaliha biex il-konsumatur Malti jgħix kwalità ta’ ħajja aħjar. 

Il-Gvern, bħall-Kamra tal-Kummerċ u l-GRTU, huwa kontra li juża mezzi straordinarji, mingħajr ħtieġa gravi, bħal Price Orders, biex iħares lill-konsumatur Malti.  Huwa biss jekk ikun hemm minn jabbuża mis-suq ħieles għad-detriment tal-konsumatur Malti li l-Gvern jintervjeni bil-mezzi kollha possibbli għalih skond il-liġi Maltija u l-liġi ta’ l-Unjoni Ewropea.   

Fl-aħħar mill-aħħar il-Gvern ser jassigura li s-suq ħieles jaħdem favur il-konsumatur Malti billi l-affarijiet essenzjali, bħal mediċini u l-ikel, jaslu għand il-konsumatur u dan bi prezz ġust.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow