Proposta għal Direttiva li temenda d-Direttivi dwar l-Apparat Mediku
Il-Ministeru għall-Kompetittivita’ u l-Komunikazzjoni (MCMP), permezz tad-Direttorat tal-Prodotti Industrijali u tal-Konsumatur ta’ l-Awtorita’ Maltija dwar l-iStandards, qed iniedi Dokument Finali ta’ Konsultazzjoni (ICD 07/2005a) dwar Proposta għal Direttiva li temenda d-Direttivi tal-Kunsill 90/385/KEE dwar Apparat Mediku Attiv li jista jiġi Mpjantat u 93/42/KEE dwar l-Apparat Mediku.
L-apparat mediku hu rregolat minn tliet Direttivi li japplikaw rispettivament għall-apparat mediku attiv li jista’ jiġi mpjantat, apparat mediku u apparat mediku dijanjostiku “in vitro”. Il-proposta ser tiżgura regolamentazzjoni aħjar permezz ta’ kjaramenti regolatorji sabiex tiġi żgurata l-konsistenza ta’ l-interpretazzjoni u l-implimentazzjoni tad-Direttivi.
Il-proposta ser tinvolvi kjarifikazzjoni tal-leġiżlazzjoni eżistenti u tintroduċi inizjattivi sabiex tiżdied it-trasparenza u l-fiduċja fit-tqegħid fuq is-suq u l-użu tat-tagħmir mediku.
Il-proposta finali temenda l-oqsma tad-Direttiva dwar l-Apparat Mediku (93/42/KEE) li ġejjin:
§ It-taqsimiet dwar il-verifika tal-konformità
§ Data klinika u evalwazzjoni
§ Ċertezza legali fir-rigward ta’ l-applikabilità
§ Miżuri sabiex tiżdied it-trasparenza
§ Attivitajiet tas-sorveljanza tas-suq
§ Prodotti mediċinali u provvedimenti dwar apparat mediku
§ Tagħmir akkumpanjat bi prodott immodifikat tat-tessut uman
§ Apparat magħmul skond l-ordni
§ Emenda tad-Direttivi 90/385/KEE dwar apparat mediku attiv li jista jiġi mpjantat u d-Direttiva 98/8/KE li tikkonċerna it-tqegħid fuq is-suq ta’ prodotti bioċidi
Il-konsultazzjoni tagħlaq nhar il-15 ta’ Marzu 2006.
Noti lill-edituri:
1. Kopja tad-Dokument Finali ta’ Konsultazzjoni, li jinkludi informazzjoni ulterjuri, jinsab f’ http://www.msa.org.mt/cigd/consultations.htm
2. L-emendi li qed jiġu proposti huma intenzjonati li jtejbu:
§ L-evalwazzjoni klinika, permezz ta’ kjarifikazzjoni tar-rekwiżiti,
§ Is-sorveljanza wara it-tqegħid fuq is-suq, sabiex tiżdied it-trasparenza għall-pubbliku inġenerali,
§ Il-konsistenza bejn id-direttivi dwar it-tagħmir mediku u t-tagħmir mediku attiv li jista jiġi mpjantat,
§ Il-proċess li bih jittieħdu d-deċiżjonijiet, li jippermetti li jittieħdu deċiżjonijiet li jkunu jorbtu lil Istati Membri kollha f’kas ta’ interpretazzjonijiet nazzjonali konfliġġenti dwar jekk prodott għandux jitqies bħala tagħmir mediku jew le.
3. Il-Kummissjoni Ewropeja qed tikkonsidra li terħi ftit mill-irbit kunfidenzjali sabiex tippermetti ċertu informazzjoni fuq it-tagħmir kollu li jkun jista jiġi muri lill-pubbliku, u b’hekk tiżdied it-trasparenza.
4. Kwalunkwe kontributi bil-miktub għandhom jaslu għand id-Direttorat tal-Prodotti Industrijali u tal-Konsumatur ta’ l-MSA sal-15 ta’ Marzu 2006 permezz tal-posta fl-indirizz illi ġej:
Awtorita’ Maltija Dwar l-Istandards
(Attn: Kap – Direttorat tal-Prodotti Industrijali u tal-Konsumatur)
It-Tieni Sular, Binja Evans, Triq il-Merkanti, Valletta, VLT 03; jew
fax: 2124 2406; jew
e-mail: anthony.camilleri@msa.org.mt; joseph.micallef@msa.org.mt; linda.worley@msa.org.mt.
Stqarrijiet Oħra:
PR261952
STQARRIJA MILL-UFFIĊĊJU TAL-PRESIDENT Tliet Ambaxxaturi ġodda jippreżentaw...
PR261951