Left arrow Mur Lura

Monument lill-Arċipriet Saverio Cassar

pr0159
Date Icon 03/02/2006
Quddiem l-għola awtoritajiet ċivili u ekklesjastiċi ta’ Għawdex, ufolla numeruża ta’ tfal ta’ l-iskejjel u Għawdxin, dalgħodu, il-President ta’ Malta l-E.T. Dr. Edward Fenech Adami inawgura monument li jfakkar lill-patrijott Għawdxi, l-Arċipriet Saverio Cassar.
Il-monument fi Pjazza Indipendenza twaqqaf f’għeluq il-mitejn sena mill-mewtta’ l-Arċipriet Cassar li fl-1798 mexxa lill-Għawdxin kontra l-qawwiet ta’ Napuljun Bonaparti. Huwa kien ġie maħtur bħala kap tal-Gvern f’Għawdex meta għal sentejn sħaħ, il-gżira Għawdxija kienet amministrattivament maqtugħa minn Malta peress li Malta kienet għadha taħt il-ħakma tal-Franċiżi.
Il-monument ġie mwaqqaf minn kumitat maħtur mill-Onor Giovanna Debono,Ministru għal Għawdex. F’kelmtejn ta’ l-okkażjoni, il-Ministru fakkret li dan kien wieħed mill-akbar partijotti li qatt ipproduċa Għawdex u huwa wieħed minn sensiela ta’ nies Għawdxin li ddistingwew ruħhom f’diversi oqsma tal-ħajja u li jixirqilhom li jingħataw ġieħ. Hija qalet li kien xieraq li jsir dan il-mafkar għaliex ifakkar persunaġġ li ħabb verament lil art twelidu u ta’ dan, għal mitejn sena sħaħ il-memorja tiegħu kienet kważi intesiet għal kollox.
L-E.T. il-President qal li mal-kisba ta’ l-Indipendenza, il-poplu Malti uGħawdxi sar aktar konxju ta’ ġrajjiet u persunaġġi li jsawru l-istorja u l-identita’ tagħna u f’dawn l-aħħar snin, żdied in-numru ta’ monumenti li jfakkru ġrajjiet u persunaġġi bħal dawn. Huwa qal li l-Arċipriet Cassar huwa wieħed minn dawn li stħoqqilhom tifkira xierqa.
Il-Professur Mons Joseph Bezzina għamel id-diskors kommemorattiv filwaqt lis-Sur Anton F. Attard qara saffika dwar l-Arċipriet Cassar u l-ħidma tiegħu. Kor magħmul minn tfal mill-iskejjel primarji ta’ Għawdex taw timbru kontemporanju lil din il-ġrajja u bil-kant tagħhom animaw iċ-ċerimonja.
Il-monument sar fuq disinn tas-Sur George Vella u jinkludi bust ta’ l-ArċiprietCassar u plakka li turi l-Kapitulazzjoni tal-Franċiżi f’Għawdex li ġew skolpiti mill-Kav. Michael Camilleri Cauchi u fonduti fil-bronż fil-fonderija ta’ Joe Chetcuti.
Fi tmiem iċ-ċerimonja, il-monument tbierek mill-E.T. Mons. Mario Grech,Isqof ta’ Għawdex. F’kelmtejn ta’ l-okkażjoni, Mons. Mario Grech qal li jħossu kburi li l-ewwel ċerimonja ċivili li kien qed jattendi uffiċċjalment, kienet proprjament din li tfakkar ir-rwol li kellu saċerdot bħalu, biex jgħin lil ħutu l-bnedmin, mhux biss f’dak li huwa spiritwali imma wkoll f’dak soċjali.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAL-PRIM MINISTRU  “Meta nsaħħu l-MCAST inkunu qed ninvestu fil-kapaċità tal-pajjiż li jimxi ’l quddiem” – Il-Prim Ministru Robert Abela

PR261951

STQARRIJA MILL-UFFIĊĊJU TAL-PRIM MINISTRU “Meta nsaħħu l-MCAST inkunu qed ...

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

Aktar Stqarrijiet Right arrow