Left arrow Mur Lura

Kunsilli Lokali jipprovdu kura fil-komunità

pr0144
Date Icon 01/02/2006
Illum ġie ffirmat ftehim bejn id-Diviżjoni tas-Saħħa u żewġKunsilli Lokali:  dak tan-Naxxar u Raħal Ġdid, li jipprovdi biex dawn iż-żewġ kunsilli lokali jibdew jieħdu ħsieb il-bżonnijiet ta’ dawk li jbatu bid-diabete fil-lokalità tagħhom.  Sal-lum dan is-servizz ta’ kura kien jiġi provdut mill-MMDNA.
Il-ħsieb wara din l-inizjattiva hu li jiġiżviluppat servizz ta’ kura tas-saħħa għall-komunità mmexxi mill-istess komunità.  Għalissa dan se jsir bi prova (pilot project) u jekk dan jirnexxi, kunsilli oħra jiġu offruti din l-opportunità biex huma wkoll jekk ikunu jridu jagħtu wkoll dan is-servizz.
Il-policytad-Diviżjoni tas-Saħħa minn dejjem kienet li dawk id-diabetiċi li jiddependu fuq l-insulina jiġu mgħallma kif huma stess jew membri tal-familja jamministraw l-insulina.  Minkejja li sar ħafna xogħol f’dan ir-rigward, jibqa’ dejjem numru ta’ pazjenti li għal xi raġuni jew oħra jkollhom bżonn l-għajnuna fid-dar tagħhom.
Bil-ftehim tal-lum dawk il-pazjenti lijkollhom xi diffikultà se jingħatalhom is-servizz ġo djarhom minn infermiera kwalifikati imqabdin b’kuntratt mal-Kunsill Lokali.  Is-servizz se jkun immexxi kompletament mill-Kunsill pero` għandu diversi obbligi li jrid iħares fosthom li l-lista ta’ pazjenti tingħatalu mid-Dipartiment tal-Kura Primarja, li s-servizz jingħata kuljum bejn is-sebgħa u t-tmienja ta’ filgħodu u s-sitta u s-sebgħa ta’ filgħaxija nkluż il-Ħdud u l-festi, jinforma lid-Dipartiment bl-ismijiet ta’ l-infermiera magħżula biex jagħtu s-servizz.
Dan is-servizz mgħoti mill-Kunsill Lokalijoffri diversi vantaġġi fosthom dak li b’din is-sistema l-pazjenti se jibdew jieħdu l-insulina b’mod aktar regolari bejn is-sebgħa u t-tmienja ta’ filgħodu.  Illum dan mhux dejjem hu possibbli minħabba li l-infermieri ta’ l-MMDNA ikollhom firxa usa ta’ pazjenti bir-riżultat li xi diabetiċi jieħdu l-insulina tagħhom ferm aktar tard.
F’kumment li ta Dr. Louis Deguara,Ministru tas-Saħħa, l-Anzjani u Kura fil-Komunità qal li diġà teżisti koperazzjoni bejn il-Ministeru u l-Kunsilli Lokali.  Żewġ eżempji huma l-parteċipazzjoni tal-Kunsilli Lokali fil-kampanja tat-tilqim kontra l-influwenza u l-koperazzjoni fit-tmexxija ta’ Ċentri ta’ matul il-jum għall-anzjani. Issa qegħdin nagħmlu pass ieħor fejn il-kunsilli lokali se jamministraw servizz ta’ kura li sal-lum kien jingħata kompletament miċ-Ċentri tas-Saħħa u minn infermieri tal-MMDNA.  Dan huwa esperiment li jekk jirnexxi kunsilli oħra jkunu jistgħu joffruħ huma wkoll lill-komunità rispettiva tagħhom.
Bil-ftehim bejn id-Diviżjoni tas-Saħħau l-Kunsilli Lokali s-servizzi tal-kura tas-saħħa qegħdin jitresqu aktar qrib il-pazjent.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAL-PRIM MINISTRU  “Meta nsaħħu l-MCAST inkunu qed ninvestu fil-kapaċità tal-pajjiż li jimxi ’l quddiem” – Il-Prim Ministru Robert Abela

PR261951

STQARRIJA MILL-UFFIĊĊJU TAL-PRIM MINISTRU “Meta nsaħħu l-MCAST inkunu qed ...

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

Aktar Stqarrijiet Right arrow