Left arrow Go Back

Sħubija fil-prattika fil-ħarsien tal-wirt storiku

pr0087
Date Icon 25/01/2006

Żmien id-deheb tal-bennejja tat-tempji ntlaħaq fit-tempji ta’ Ħal Tarxien. Ix-xogħol arkitettoniku u ta’ dekorazzjoni f’dawn it-tempji juri l-livell ta’ perfezzjoni li kien intlaħaq mill-antenati tagħna. 

It-tempji tal-qedem jikkonsistu f’unitajiet magħmula minn numru –  bejn tlieta u ħamsa –  madwar numru ta’ kmamar f’forma tonda jew forma ta’ D, li jduru madwar bitħa ċentrali. Passaġġ ta’ ċangatura tal-ġebel, ġebel wieqfa tnejn ħdejn  xulxin bi blata fuqhom, tul l-assi tal-bini, jgħaqqad il-btieħi maċ-ċentru tal-faċċata. Il-blokki l-kbar, sa 20 tunnellata, jinstabu fuq il-ħitan ta’ barra. Ġewwa l-kmamar hemm artali ta’ forom differenti, kmamar u blokki b’dekorazzjonijiet elaborati. Dan hu l-pjan bażiku iżda kull tempju, l-aktar l-akbar fosthom, fihom tnejn jew aktar minn dawn il-unitajiet li jingħaqdu b’modi differenti. Fil-każ ta’ Ħal Tarxien dan fih erba’ unitajiet li jkopru area kbira  minħabba li kull unita’ kienet sa 30 metru twila.  

Il-Ministru għat-Turiżmu u Kultura, Francis Zammit Dimech kien preżenti waqt preżentazzjoni li saret  mill-Professur Alex Torpiano dwar il-Proġett tal-BOV dwar it-tempji ta’ Ħal Tarxien. ‘Heritage Malta’ bl-appoġġ finanzjarju tal-Bank of Valletta qed twettaq proġett li jinkludi il-bini ta’ ċentru għall-viżitaturi fuq biċċa art li d-Dipartiment ta’ l-Artijiet alloka lil Heritage Malta fi Triq Santa Monika, Tarxien, fit-tramuntana tat-tempji. Matul s-sena li għaddiet il-BOV Tarxien Temples Project Team iltaqa’ b’mod regolari u ħejja rapport dwar il-progress ta’ dan il-proġett. 

Il-Ministru għat-Turiżmu u Kultura qal li t-tempji ta’ Ħal Tarxien huma fost l-aktar frekwentati. Hu qal li filwaqt li f’2003/04 żaru dawn it-tempji 98,773 fl-2004/05 żaruhom 102,264 – jew 3.5 fil-mija iżjed. Hu qal li filwaqt li pajjiżna hu miksi bl-istorja s’issa ma konniex qed ninterpretawha tajjeb. Hu qal li l-ewwel sforzi saru fl-Ipoġew u fid-Domus Romana. Dawn illum għandhom sistemi eċċellenti ta’ interpretazzjoni u aċċessibilita’. Francis Zammit Dimech qal li dak li wettaqna f’dawn il-postijiet irridu nwettquh ukoll f’siti oħra arkeoloġiċi.  

Il-Ministru Zammit Dimech qal li bis-saħħa ta’ fondi mill-Unjoni Ewropea kien se jitwettaq proġett importanti biex inħarsu u biex ikunu magħrufa aħjar it-tempji ta’ l-Imnajdra u Ħaġar Qim. Hu qal li bis-saħħa ta’ l-appoġġ finanzjarju tal-Bank of Valletta kien se jitwettaq proġett ieħor simili fit-tempji ta’ Ħal Tarxien li kienu dikjarati mill-UNESCO bħal sit ta’ wirt dinji. Dan minħabba li sew il-bini, l-iskultura u t-teknoloġija li ntużat bil-bini turi stadju importanti fl-istorja ta’ l-umanita’. 

“Il-proġett tat-tempji ta’ Ħal Tarxien hu eżempju mill-isbaħ ta’ kif  il-privat jaħdem mal-Gvern biex inħarsu il-wirt preistoriku ta’ pajjiżna u biex nagħmluih aktar viżibbli ma’ kulħadd. Hu qal li f’dan il-każ il-Bank of Valletta, li hu minn ta’ quddiem fl-għajnuna li jagħti għall-ħarsien tal-wirt storiku ta’ pajjiżna, issieħeb ma’ Heritage Malta fi proġett hekk importanti,” qal il-Ministru Zammit Dimech li rringrazzja sew lill-BOV kif ukoll lill-Heritage Malta għall-interess kbir li qed juru f’dan il-proġett.

Share this Press Release Icon socials Icon socials Icon socials Icon socials

Other Press Releases:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

More Press Releases Right arrow