“Bil-konsultazzjoni, jittaffa l-impatt negattiv fuq negozji minħabba xogħlijiet fit-toroq” – Segretarju Parlamentari Edwin Vassallo
pr0071
20/01/2006
| “L-awtoritajiet kollha li għandhom | x’jaqsmu max-xogħol fit-toroq għandhom jaraw li meta jippjanaw xogħol li jkun jinkludi tħaffir fit-toroq, fid-deċiżjonijiet li jieħdu, jkun hemm l-inqas impatt negattiv fuq is-settur kummerċjali. Dan ifisser li t-traffiku għandu jibqa’ għaddej kemm jista’ jkun minn toroq li fihom ikun qed isir ix-xogħol.” |
| Is-Segretarju Parlamentari għan-Negozji | Żgħar u s-Self Employed, Edwin Vassallo, esprima s-sodisfazzjon tiegħu li diversi Awtoritajiet bħalma huma l-ADT, l-Enemalta u l-Water Services Corporation, qed jifhmu aktar din il-ħtieġa u fl-ippjanar tagħhom jidher li qed isir sforz biex il-kummerċ ikun mogħti l-attenzjoni li tixraqlu. |
| “Issa jonqos li l-Kunsilli Lokali jagħtu | wkoll din l-attenzjoni għas-settur kummerċjali. F’dan l-eżerċizzju, il-Kunsill Lokali ta’ Birkirkara ta l-appoġġ kollu tiegħu. Ħtieġa oħra li qed tinħass hija l-attenzjoni li għandha tingħata mill-kuntratturi li jiġu mogħtija kuntratti għal dan it-tip ta’ xogħol. Dawn il-kuntratturi għandhom ikunu klassifikati għal kwalita’ tax-xogħol li jagħmlu. |
| Ma jistax ikun li jibqa’ jkollna | kuntratturi li jingħataw xogħol fuq toroq meta dawn ikunu magħrufa li ma jżommux mal-kundizzjonjiet tal-kuntratt u taż-żmien stipulat fil-kuntratt. Il-proċeduri li bihom jingħataw il-kuntratti mill-korporazzjonijiet, għandhom ikunu mibdula jekk jirriżulta li dawn il-kuntratturi ma jkunux zammew max-schedule of works li kienu ingħataw.” |
| Is-Segretarju Parlamentari Edwin Vassallo | kien qiegħed jikellem waqt laqgħa organizzata mill-GRTU u l-Kunsill Lokali ta’ Birkirkara dwar xogħlijiet fit-toroq u l-effett tagħhom fuq is-settur kummerċjali. |
| Għal din il-laqgħa kienu mistiedna wkoll | is-sidien tan-negozji tat-toroq li fihom ser isir xogħol infrastrutturali, u dan biex huma jkunu jistgħu jiġu kkonsultati dwar ix-xogħol li ser isir u jkunu magħrufa lilhom il-kundizzjonijiet li fihom ser isir ix-xogħol u jaħdem il-kuntrattur. |
L-Onor. Edwin Vassallo temm billi esprima s-sodisfazzjon tiegħu li l-entitajiet konċernati għarfu l-ħtieġa li s-sidien tan-negozji jiġu kkonsultati. “Dan huwa eżempju ta’ kif nistgħu naħdmu aktar u aħjar flimkien, biex naħdmu bl-aħjar mod għan-negozji tagħna, u b’hekk inkomplu nkattru l-ekonomija.”
Stqarrijiet Oħra:
PR261950en
PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...
PR261950