Left arrow Mur Lura

Il-Ministeru tal-Ġustizzja u l-Intern dwar l-inċident ta’ lejliet l-Ewwel tas-Sena

pr0062
Date Icon 19/01/2006

Il-Ministeru tal-Ġustizzja u l-Intern jirreferi għall-konferenza ta’ l-aħbarijiet li ingħatat mill-Kap ta’ l-Opożizzjoni, l-Onor. Dr. Alfred Sant, dwar l-inċident ta’ lejliet l-Ewwel tas-Sena. 

L-inkjesta maġisterjali li qed issir dwar l-inċident fil-Belt lejliet l-Ewwel tas-Sena hi ta’ livell ogħla minn inkjesta amministrattiva, iżda hija l-istess tip ta’ inkjesta li ntalbet kemm-il darba mill-Oppożizzjoni, kull meta għamlet xi allegazzjonijiet – bħal fil-każ tal-Inkjesta dwar il-Fondazzjoni Skejjel ta’ Għada. 

Il-Ministeru tal-Ġustizzja u l-Intern jikkonferma li l-Pulizija: 

a)Ipproċessat l-applikazzjoni b’mod regolari, u
b)imponiet il-kondizzjonijiet li jsiru s-soltu.

Il-Ministeru tal-Ġustizzja u l-Intern jenfasizza li mhux minnu li l-Pulizija kienet kontra li jsir dan il-party - tant hu hekk, li s-sena li għaddiet ukoll kien inħareg permess simili.  

Kif kien ikkonfermat mill-Kummissarju tal-Pulizija, saret petizzjoni minn għadd ta’ residenti ġirien, kontra li jsir dan il-party. Il-Pulizija, kif tagħmel is-soltu, irreferiet il-każ lill-Bord tal-Pariri dwar il-Liċenzji. Fis-smiegħ quddiem il-Bord, irriżulta li l-firem ta’ min kien oġġeżżjona, ma kienux tan-nies li suppost iffirmawhom. Il-Bord ta  parir biex id-‘disco’ isir, u dan taħt il-kondizzjonijiet tas-soltu. 

Il-Ministeru tal-Ġustizzja u l-Intern ifakkar li din ma kienitx l-ewwel darba li ingħata permess biex isiru ‘parties’ fil-Mediterranean Conference Centre. Wieħed minnhom kien ġie organizzat lejliet l-Ewwel tas-Sena fl-1998, meta responsabbli għall-Pulizija kien l-istess Onor. Dr. Alfred Sant. Għal dak il-party, lanqas biss kienu ġew ordnati Pulizija. 

Il-Gvern apparti l-inkjesta Maġisterjali, waqqaf ukoll Kummissjoni biex teżamina l-liġijiet kollha relatati mal-postijiet tad-divertiment. 

Meta l-Gvern kien għadda liġi sabiex il-postijiet tad-divertiment bil-mużika jagħlqu fl-4.00 a.m. (u fis-2.00 a.m. jekk fil-miftuħ), il-Kap ta’ l-Oppożizzjoni, mhux talli ma appoġġjax din il-liġi, iżda kiteb:  

“Il-bidla fil-ħinijiet tad-discos u ħwienet tax-xorb tolqot l-aktar lill-istabbilimenti ta’ Paceville. F’din l-istorja l-Gvern mexa b’guffaġni.” (It-Torca  -Awissu 1999)

Hu ttamat li dan l-inċident ma jinbidel qatt f’ballun politiku, u din it-traġedja tiġi investigata kif jixraq, kif isir f’inċidenti simili. 

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

Aktar Stqarrijiet Right arrow