Left arrow Go Back

INAWGURAT ĠNIEN IL-ĦAJJA, FIL-QASAM RESIDENZJALI TAL-ĦESRI FIS-SIĠĠIEWI

pr0052
Date Icon 17/01/2006

“L-akbar investiment li jista’ jagħmel il-Gvern hu dak li jsir b’riżq il-familji.” Hekk qalet Dolores Cristina, il-Ministru għall-Familja u Solidarjeta’ Soċjali meta inawgurat “Ġnien il-Ħajja” fil-qasam residenzjali Tal-Ħesri fis-Siġġiewi.

Il-ġnien hu proġett ieħor konġunt bejn il-Gvern Ċentrali u dak Lokali u ġie jiswa Lm60,000. Permezz ta’ dan il-proġett kompla jissokta l-impenn tal-Gvern li żoni residenzjali jissebbħu kemm għal skopijiet estetiċi kif ukoll biex jitgawdew mir-residenti tal-lokal.

Ġnien il-Ħajja, kif issemma’ dan il-proġett, hu l-ħdax-il wieħed li ġie inawgurat matul din il-leġiżlatura u dan fisser nefqa ta’ aktar minn tlett kwarti ta’ miljun lira.

Filwaqt li enfasizzat il-ħtieġa li t-tfal isibu postijiet fejn ikollhom żvog ’il bogħod mill-ħajja mgħaġġla u l-istudju akkademiku, il-Ministru Cristina qalet li dan il-ġnien għandu jservi ukoll ta’ rikreazzjoni ukoll għall-adulti.

Il-ġnien kien inawgurat fil-preżenza tas-sindku tas-Siġġiewi, il-Perit Robert Musumeci, li mhux biss faħħar l-investiment innfisu iżda, aktar minn hekk, it-twettiq tal-politika tal-Gvern Ċentrali li jaħdem id f’id mal-Gvern Lokali.

Matul l-inawgurazzjoni ta’ Ġnien il-Ħajja ħadu sehem kantanti u żeffiena mil-lokal filwaqt li sar ukoll it-tberik tiegħu.

Share this Press Release Icon socials Icon socials Icon socials Icon socials

Other Press Releases:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

More Press Releases Right arrow