Left arrow Go Back

IT-TIENI VOLUM TA’ ULIED MALTIN

pr0027
Date Icon 11/01/2006

Is-Sur Tony Mizzi, producer tas-sensiela Ulied Maltin, ippreżenta kopja tad-DVD tat-tieni volum f’din is-serje lill-Ministru ta’ l-Edukazzjoni, Zgħazagħ u Xogħol, Louis Galea.

"Horizons" hija kumpanija li tispeċjalizza fil-‘media’ kemm dik tar-radju kif ukoll tat-televizjoni. Kien proprju fis-sena 2005 meta "Horizons" nidiet l-ewwel enċiklopedija viżiva (fuq DVD) bil-Malti dwar dak kollu li jagħti ġieħ lill-patrimonju Malti; "Ulied Maltin".

Fl-ewwel volum ingħatat ħarsa lejn 20 personalità li b'xi mod jew ieħor għamlu isem għalihom u għal pajjiżhom. Minn Anton Buttiġieġ - il-poeta tan-natura, sa Ġużeppi Cali - l-pittur, li kien jispeċjalizza fil-pittura sagra. Antonio Sciortino l-iskultur li żejjen pajjiżna b'monumenti eċċezjonali, bi ġrajjiet li għaddew minnhom missirijietna u Dun Ġorġ Preca wieħed mill-ewwel beati Maltin.

Fit-tieni volum "Ulied Maltin" jittratta 19-il monument. Fosthom insibu l-monument ta' l-Assedju l-Kbir, il-monument tal-Gwerra, dak ta' Dun Mikiel Xerri u sħabu, u l-monument ta' Nettunu. L-iskop ewlieni ta' dan il-proġett kien biex it-tfal tagħna jkunu jistgħu jwessgħu l-orizzonti tagħhom u jkabbru l-għarfien tagħhom dwar pajjiżna biex minn età żgħira jitgħallmu japprezzaw dak li hu tagħna. Dan il-proġett huwa wkoll minjiera ta' informazzjoni għall-proġetti ta' l-iskola.

"Ulied Maltin" jikkonsisti f'DVD u ktejjeb. Il-ħin massimu ta' kull dokumentarju huwa ta' 4 minuti biex b'hekk kull min ikun qed isegwi, ma jiddejjaqx. Il-ktejjeb jikkumplimenta l-vuċi mitkellma fid-dokumentarju billi l-’iscripts’ huma miktuba fih stess biex wiehed ikun jista jsegwi aħjar. Skond studju li sar fl-università fl-Istati Uniti il-vizwal iħalli sa 80 fil-mija fil-memorja tat-tfal u għalhekk "Ulied Maltin" jista jkun ta' għajnuna kbira għal uliedna, għax dak kollu li hemm miktub fil-ktejjeb huwa viżwalizzat fuq it-televiżjoni.

Is-Sur Mizzi spega kif "Horizons" qed taħdem fuq it-tielet volum, kif ukoll għanda l-ħsieb li toħroġ il-fuq minn ħmistax il-volum.

Share this Press Release Icon socials Icon socials Icon socials Icon socials

Other Press Releases:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

More Press Releases Right arrow