L-Arti tal-‘Bartending’
pr0018
09/01/2006
| Richard Pons għadu kif ippubblika l-ktieb | tiegħu “Drinking as an art”, ktieb li hu maħsub bħala gwida għal dawk li jaspiraw li jieħdu attitudni professjonali fl-arti tal-bartending. |
| Il-ktieb fih informazzjoni dwar il-bartending | u linji gwida dwar it-teknikalitajiet fit-tħejjija tad-drinks u l-mod kif isservihom. Il-ktieb jiddeskrivi linja vasta ta’ xorb u cocktails tradizzjonali u oriġinali, riċetti, imbejjed lokali u informazzjoni dwar il-fabbriki ta’ l-inbid u l-prodotti partikolari tagħhom, lista ta’ ħwienet ta’ l-imbejjed u spirti, ritratti ta’ għażla ta’ bars u kapitlu dwar “alcohol awareness” li jwassal biex dak li jkun jieħu l-akbar pjaċir mix-xarba li jkollu fit-tazza. |
| Richard Pons, bħala membru tal-Maltese | Bartenders Guild ipparteċipa f’diversi kompetizzjonijiet lokali u internazzjonali fejn rebaħ premjijiet u unuri. F’Ġunju 2003 Richard Pons ingħata Guinness Book of Records Certificate meta rnexxielu jikser ir-rekord ta’ qabel ta’ 30 cocktail f’siegħa. Fl-1988 Richard Pons beda jaħdem bħala teacher part-time għas-Service with a Smile Course u wara nħatar assistant lecturer fl-Istitut għall-Istudji Turistiċi. |
| Richard Pons ippreżenta kopja tat-tieni | edizzjoni tal-ktieb “Drinking as an Art” lill-Ministru għat-Turiżmu u Kultura, Francis Zammit Dimech. Il-Ministru Zammit Dimech irringrazzja lil Richard Pons għall-inizjattiva tiegħu li kienet titfa’ dawl importanti fuq l-arti tal-bartending, il-varjeta’ tax-xorb u tal-cocktails. |
| “L-Awtorita’ ta’ | Malta għat-Turiżmu qiegħda bħalissa taħdem biex tkompi ttejjeb il-prodott turistiku Malti. F’dan ir-rigward l-ikel u x-xorb huma rekwiżiti importanti u l-pubblikazzjoni ta’ kotba li jippromwovu ikel u xorb Malti jikkontribwixxu għal dan it-titjib,” sostna l-Ministru Zammit Dimech. |
| Il-Ministru għat-Turiżmu u Kultura qal li hu | kellu l-pjaċir li jkun preżenti għall-okkażjoni fejn Richard Pons ippreżenta quddiem il-media ċ-ċertifikat tal-Guiness World Record għall-akbar numru ta’ cocktails ippreparati f’siegħa. Hu qal li dakinhar kien rrimarka li l-ispeċjalizzazzjoni hi l-mod kif il-qasam tat-turiżmu f’pajjiżna jkompli jinbidel f’esperjenza għal kull min iżurna. Il-Ministru Zammit Dimech qal li dak li kien jgħodd dakinhar għadu jgħodd illum. Il-pubblikazzjoni ta’ ktieb dwar xorb u l-arti fil-preżentazzjoni tal-cocktails kien ukoll jibdel il-vaganza tal-viżitaturi tagħna f’esperjenza, esperjenza sabiħa li twassal lit-turist biex jerġa’ jiġi fostna. |
Stqarrijiet Oħra:
PR261950en
PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...
PR261950