Left arrow Mur Lura

Direttiva 2004/22/EC tal-Parlament Ewropew u tal-Kunsill taL- 31 ta’ Marzu 2004 fuq Strumenti tal-kejl

pr0017
Date Icon 09/01/2006

Il-Ministeru għall-Kompetittvita’ u l-Komunikazzjoni (MCMP), permezz tad-Direttorat tal-Prodotti Industrijali u tal-Konsumatur ta’ l-Awtorita’ Maltija dwar l-Istandards, qiegħda tniedi żewġ Dokumenti ta’ Konsultazjoni (ICD 01/2006 u ICD 01/2006a) dwar l-lmplimentazzjoni tad-Direttiva ta’ l-Strumenti tal-Kejl f’Malta.  L-iskop ta’ ICD 01/2006 hu biex jiġu determinati l-oqsma fejn id-Direttiva ser tiġi applikata f’Malta.  ICD 01/2006a ħa sservi ta’ konsultazzjoni fuq l-abbozz li ħa jkun ibbażat fuq l-informazzjoni miġbura mill-ewwel konsultazzjoni.  Il-perjodu ta’ konsultazzjoni ta’ ICD 01/2006 ħa jkun bejn 2 u 27 ta’ Jannar filwaqt li l-perjodu ta’ konsultazzjoni ta’ ICD 01/2006a ħa jkun bejn 13 ta’ Frar u 10 ta’ Marzu.

Id-Direttiva fuq strumenti ta’ Kejl (2004/22/EC) tistabilixxi l-kriterji minimi biex strumenti tal-kejl li jappartjenu għal għaxar kategoriji jistgħu jitqiegħdu fuq is-suq u jiġu installati (għall-ewwel darba) jekk dawn l-istrumenti huma suġġetti għall-kontrolli meteoroloġiċi legali.  Dawn il-kriterji huma wiesa biżżejjed biex ikunu jistgħu applikati fl-istati kollha ta’ l-UE minkejja li hemm ċertu differenzi bħal dawk fil-klima, flus, u proċeduri ta’ installazjoni.  Is-struttura tad-Direttiva hija bbażata fuq dik ta’ ”New Approach”  - hemm proċeduri ta’ stima ta’ konformità, (ftit minnhom jitolbu għall-intevent ta’ “Notified Body”), il-marka ‘CE’, id-dikjarazzjoni ta’ konformità u l-marka ‘M’.  Dan għaliex l-għan ta din id-Direttiva hija l-istess bħad-Direttivi l-oħra ta’ “New Approach” – il-ħolqien ta’ suq wieħed; din id-darba għall-istrumneti tal-kejl.

Il-Metroloġija hija x-xjenza tal-kejl.  Metroloġija legali hu fejn l-attivitajiet li għandhom x’jaqsmu mal-kejl huma regolati minħabba raġunijiet determinati mill-Istat.  Dawn ir-raġunijiet huma definiti mid-Direttiva bħala dawk ta’ interess pubbliku, saħħa pubblika, sigurta’ tal-pubbliku, mantinement tal-buon ordni, protezzjoni ta’ l-ambjent, prottezjoni tal-konsumatur, taxxi, sisa, u kummerċ ġust.  Għalhekk strument ta’ kejl li jaqa’ taħt wieħed mill-10 kategoriji msemijja mid-Direttiva, jkun suġġett għal kontrolli metroloġiċi mill-Istat għal kwalunkwe mir-raġunijiet imsemijja li huma fl-interess tad-Drettiva.

Id-Direttiva fuq strumenti ta’ Kejl tapplika għal dawn l-10 kategoiji ta’ strumenti:

      ·        Meters ta’ l-ilma;
·        Meters tal-gas;
·        Meters tad-dawl;
·        Meters li jkejlu s-sħana;
·        Meters li jkejlu l-ammont ta’ likwidi (minbarra l-ilma);
·        Mwieżen awtomatiċi;
·        Taximeters;
·        kejl ta’ tul ta’ materjali u volum ta’ likwidi;
·        kejl ta’ tul, ‘area’ u spazju okkupat
·        Strumenti ta’ kejl tal-gassijiet li hemm fl-exhaust ta’ karrozzi.

basta dawn is-strumenti jkunu suġġetti għall-kontrolli Metroloġiċi f’Malta jew Stat Membru ieħor. 

Id-Direttiva tapplika anke għall-ewwel użu ta’ l-istrument. Dan jimplika li strumenti ta’ kejl li d-direttiva tapplika għalihom ma jistgħux jiġu nstallati għall-ewwel darba għall-applikazjonijiet determinati mill-Istat wara li tidħol fis-seħħ id-Direttiva.  Dan japplika wkoll jekk l-istrumneti kienu qegħdin jintużaw għal l-istess skop qabel di-direttiva daħlet fis-seħħ.  Iżda d-dirrettiva tipprovdi deroga sa 10 snin li sservi bħala miżura tranżitorja għal dawn l-istrumenti.  Strumenti tal-kejl li huma diġa ta’ għamla li hi approvata mill-awtorità kompitenti jistgħu jitpoġġew fuq is-suq u jitwaħħlu għal massimu ta’ 10 snin basta r-riferenza tagħhom hija inkluża fil-leġiżlazzjoni Maltija li timplimenta d-Direttiva.  Wara dan il-perjodu, strumenti ta’ kejl li jissodisfaw ir-rekwiżi tad-Direttiva jistgħu jitpoġġew fuq is-suq jew/u jiġu installati, biss.

Id-Direttiva ser tidħol fis-seħħ fit-30 ta’ Ottubru 2006.
Id-derogi ma jistgħux jiġu applikati wara t-30 ta’ Ottubru 2016.

L-iskop ta’ l-ewwel dokument ta’ konsultazzjoni hu biex jiġi determinat liema strumenti ta’ kejl ħa jiġu suġġetti għal kontrolli metrologiċi.

L-abozz ta’ l-implimentazzjoni tad-Direttiva ser tiġi ppublikata għall-kummenti mat-tieni dokument ta’ konsultazzjoni.

Kummenti għandhom jaslu għand id-Direttorat tal-Prodotti Industrijali u tal-Konsumatur ta’ l-MSA :

-         sas- 27 ta’ Jannar 2006 għal l-ewwel dokument ta’ konsultazzjoni – ICD 01/2006

-         sa l-10 ta’ Marzu 2006 għat-tieni dokument ta’ konsultazzjoni – ICD 01/2006a 

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

Aktar Stqarrijiet Right arrow