Left arrow Mur Lura

Xogħlijiet infrastrutturali għall-proġett ta’ faċilita’ ġdida għall-istudji turistiċi f’Għawdex

pr1874
Date Icon 27/12/2005

Is-sejħa għall-offerti għal xogħlijiet infrastrutturali għall-proġett tal-faċilita’ ġdida għal taħriġ fl-istudji turistiċi f’Għawdex, ġiet pubblikata u tagħlaq lejn nofs ix-xahar id-dieħel. Ix-xogħol infrastrutturali meħtieġ huwa dak ta’ twaqqiegħ u bini mill-ġdid. Il-faċilita’ se tinbena fis-sit li preżentament huwa okkupat miċ-Ċentru ta’ l-Istudji Turistiċi (ITS) fil-Qala.  

It-tender ippubblikata, issejjaħ għal offerti minn kumpaniji lokali biex jissottomettu l-offerti tagħhom għax-xogħlijiet infrastrutturali meħtieġa. Il-parti l-kbira taċ-ċentru preżenti ta’ l-ITS fil-Qala se titwaqqa’ biex minflokha, jitla’ kumpless li joffri faċilitajiet moderni għal taħriġ fil-catering u fl-ospitalita’.  

Il-proġett jinvolvi l-investiment ta’ €1.3 miljun, b’75% minnhom investiti direttament mill-Unjoni Ewropea. Il-faċilita’ se tinkludi ristorant, bar, kċejjen għal taħriġ, laundry u faċilitajiet għall-housekeeping fost l-oħrajn. Dan il-kumpless ġdid se jkun qed joffri l-possibilita’ li jiġu organizzati diversi korsijiet fuq livell prattiku f’Għawdex inkluż korsijiet li jibdew jiġu offruti għall-ewwel darba.  

Id-deċiżjoni li dan l-investiment qawwi jmur għat-taħriġ ta’ iktar ħaddiema għas-settur turistiku ttieħdet mill-Kumitat Reġjonali għall-Proġetti f’Għawdex, imwaqqaf mill-Ministeru għal Għawdex fl-2004. Il-pjanti meħtieġa ġew ippreparati u l-permess mill-MEPA ġie akkwistat. Sejħa għall-offerti marbuta mat-tmexxija tal-proġett u d-diżinn ta’ l-ispeċifikazzjonijiet tekniċi wkoll kienet ġiet ippubblikata iktar kmieni din is-sena, bl-evalwazzjoni jiġi mitmum f’Awissu.  

Ix-xogħlijiet infrastrutturali fuq dan il-proġett mistennija jibdew wara li s-sejħa għall-offerta ppubblikata iktar kmieni dan ix-xahar, tgħalaq u l-offerti mitfugħa jiġu evalwati. Il-faċilita’ l-ġdida ta’ taħriġ mistennija tkun lesta sa l-aħħar ta’ Marzu 2007. 

Sadanittant, l-istudenti u l-ħaddiema li jixtiequ jkomplu bit-taħriġ tagħhom fl-industrija tat-turiżmu se jiġu pprovduti b’ċentru alternattiv sakemm il-proġett jitwettaq.  

It-twettieq ta’ dan il-proġett se jsir permezz tal-Fondi Strutturali għal Malta 2004-2006, taħt il-Fond għal Żvilupp Reġjonali Ewropew (ERDF).

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

Aktar Stqarrijiet Right arrow