Left arrow Mur Lura

GĦAJNUNA FINANZJARJA LIŻ-ŻEWĠ TEATRI TA’ L-OPRA F’GĦAWDEX

pr1866
Date Icon 22/12/2005

Il-Ministru għal Għawdex, l-Onor. Giovanna Debono ippreżentat għotjiet finanzjarji liż-żewġ teatri ta’ l-opra f’Għawdex. L-għotjiet, li jammontaw għal Lm5,000, tqassmu b’konformità mal-ftehim bejn il-Ministeru għal Għawdex u t-Teatri Astra u Aurora. Dan, sabiex il-Gvern jgħin fil-produzzjoni ta’ l-opra lirika annwali.

Illum il-ġurnata l-opra lirika hija prodott ieħor li qed jiġi esportat minn Għawdex. Minkejja li tinvolvi s-sehem ta’ artisti barranin ta’ fama internazzjonali, ix-xogħol kollu li tirrekjedi l-opra jsir kompletament f’Għawdex. Dan jinkludi l-ħidma ta’ wara l-kwinti, l-organizzazzjoni, l-aspett artistiku, kif ukoll t-taħriġ mużikali u drammatiku ta’ l-atturi, li jkunu lkoll ta’ element lokali.

Minbarra l-kontribuzzjoni għolja fil-qasam kulturali, l-opra lirika llum saret appuntament annwali li żżid l-influss ta’ turiżmu intern u barrani lejn Għawdex għaliex hija mfittxija ferm mill-Maltin u barranin. Iż-żewġ Soċjetajiet jinvolvu l-ħidma ta’ ħafna Għawdxin li jikkontribwixxu b’mod volontarju tul is-sena kollha.

Fil-bidu ta’ l-istaġun teatrali 2005-2006, it-Teatru Astra ppreżenta l-opra La Bohème ta’ Giacomo Puccini bis-sehem tat-tenur Malti Joseph Calleja u s-sopran Tatiana Lisnic, filwaqt li t-Teatru Aurora ppreżenta l-opra Fedora ta’ Umberto Giordano bis-sehem tas-sopran Laura Niculescu u t-tenur Mario Malagnini, fil-partijiet prinċipali.

Filwaqt li ppreżentat ċekk ta’ Lm2,500 lil kull soċjeta’, il-Ministru għal Għawdex irringrazzjat lis-Soċjetà Filarmonika La Stella u lis-Soċjetà Filarmonika Leone tal-kontribut siewi tagħhom fil-qasam kulturali, ekonomiku u soċjali lokali.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

Aktar Stqarrijiet Right arrow