Left arrow Mur Lura

EUROPASS

pr1840
Date Icon 15/12/2005

Iċ-Ċentru Nazzjonali tal-Europass (Malta) nieda uffiċċjalment l-‘Europass’ f’Malta waqt Konferenza ta’ ġurnata li saret illum fil-lukanda Westin.  Il-‘Europass’ hija inizjattiva tal-Kummissjoni Ewropea intiża biex tinkoraġġixxi l-mobilita’ u t-tagħlim tul il-ħajja fi ħdan Ewropa mkabbra.  L-iskop hu li jiġu mgħejjuna tliet miljun ċittadin billi l-kwalifiki u l-ħiliet tagħhom jkunu faċilment magħrufa u miftiehma madwar l-Ewropa kollha sal-2010. 

Dr Louis Galea, Ministru tal-Edukazzjoni, Zgħazagħ u Xogħol, għamel id-diskors ta’ l-għeluq filwaqt li l-kelliem ewlieni kien is-sur Carlo Scatoli mill-Kummissjoni Ewropea, li spjega fid-dettal il-‘Europass’.  Kelliema oħra għal din il-konferenza kienu s-sur Sten Pettersson, Dr Maria Stoicheva u Dr Ramina Baiba. 

Il-Ministru Louis Galea stieden lil dawk kollha involuti fid-dinja ta’ l-edukazzjoni u t-taħrig, inkluż l-employers, biex fis-sena 2006 isiru sforzi speċjali ħalli r-riformi fis-sistema edukattiva f’kull livell jagħmlu passi mportanti ’l quddiem. ‘‘Jekk tassew irridu l-ġid għall-poplu tagħna u noffru l-aqwa inċentivi għall-investiment u l-ħolqien ta’ l-impjiegi, kulħadd irid jagħti sehemhu b’urġenza u mpenn, biex l-edukazzjoni u t-taħriġ f’kull suġġett u f’kull livell itejjbu l-kwalita` u r-rilevanza tagħhom.”  

Iċ-Ċentru Nazzjonali tal-Europass

Iċ-Ċentru Nazzjonali tal-Europass jopera direttament mill-Ministeru tal-Edukazzjoni, Żgħazagħ u Xogħol.  L-iskopijiet ewlenin ta’ dan iċ-Ċentru huma dawk li jippromovi l-‘Europass’ u li jikkoordina l-attivitajiet kollha konnessi ma’ din l-inizjattiva b’kooperazzjoni mal-organizzazjonijiet interessati, ‘networks’ u awtoritajiet kif ukoll l-imsieħba soċjali. 

L-Europass

Il-‘Europass’ jiġbor f’qafas wieħed diversi ‘strumenti’ (dokumenti) li jwasslu għal trasparenza akbar għad-diplomi, ċertifikati u kompetenzi.  Bis-saħħa tal-fatt li tgħin liċ-ċittadini li b’mod aħjar jikkomunikaw u jippreżentaw il-kwalifiki u l-ħiliet tagħhom jkunu fejn ikunu fl-Ewropa, l-Europass jippromovi mobilita’ fid-dinja tax-xogħol bejn il-pajjiżi kif ukoll bejn is-setturi, u mobilità għal finijiet ta’ taħriġ u tagħlim. 

Il-Europass jikkonsisti minn ħames dokumenti, li huma tradotti fil-lingwi uffiċjali kollha tal-UE, inkluż il-Malti.  Dawn id-dokumenti huma: 

Europass CV – dan il-‘Curriculum Vitae’ (CV) huwa is-sinsla tal-portafol ‘Europass’.  Huwa verżjoni raffinata tas-CV Ewropew oriġinali kif deskrit fir-Rakkomandazzjoni tal-Kummissjoni f’Marzu 2002 li ġie mniżżel minn fuq l-‘internet’ għal aktar minn żewġ miljun darba. 

Europass Mobility – l-għan tal-‘Europass Mobility’ huwa biex jirreġistra, f’format komuni, dawk l-esperjenzi ta’ mobilità transnazzjonali għall-finijiet ta’ tagħlim, sabiex l-akkwisti ta’ esperjenza bħal dawn jkunu jistgħu jiġu komunikati b’iżjed faċilità.  Dan jimtela mill-organizzazjoni li tospita lill-individwu għal din l-esperjenza.  Dan jissostitwixxi l-Europass Training, li ilu jopera għal dawn l-aħħar ħames snin, li matul inħarġu għal 100,000 persuna. 

Diploma Suppliment – dan huwa dokument personali li ġie żviluppat mill-Kunsill ta’ l-Ewropa u l-UNESCO flimkien.  Dan jirreġistra il-kisbiet edukattivi tal-persuna li tippossedi dan id-dokument u jinħareġ mill-istituzzjoni illi toħroġ id-diploma.  Fil-prinċipju b’effett mill-2005, għandu jiġi provdut lil kull min jiggradwa minn istituzzjoni ta’ Edukazzjoni Ogħla. 

Europass Ċertifikat Suppliment – dan huwa suppliment ta’ ċertifikat ta’ Edukazzjoni Vokazzjonali u Taħriġ, fejn jiġu ċċarati l-kwalifiki professjonali ta’ dawk kollha li jkollhom ċertifikati bħal dawn. 

Portafol Lingwistiku ‘Europass’ – il-Portafol Lingwistiku ‘Europass’ huwa dokument li fih iċ-ċittadini jniżżlu l-ħiliet lingwistiċi u Kulturali tagħhom, (expertise).  Dan ġie żviluppat mill-Kunsill ta’ l-Ewropa u huwa bażat fuq qafas komuni Ewropew ta’ Riferenza dwar Lingwi li qiegħed isir ‘standard’ Ewropew li jistabilixxi l-livell għal ħiliet lingwistiċi. 

Dawn id-dokumenti, u aktar, jinsabu fuq il-‘Europass Portal’ (http://europass.cedfopeu.int) fuq dan il-‘Portal’ iċ-ċittadini jkunu jistgħu jimlew ‘online’ – bl-għajnuna ta’ lingwi gwida speċifiċi – l-Europass CV u l-Passaport Lingwistiku ‘Europass’ – li jifforma parti mil-Portal Lingwistiku fejn iċ-ċittadini jistgħu jiddeskrivu fid-dettal l-ħiliet lingwistiċi tagħhom. 

Il-‘Europass Portal’ jipprovdi wkoll informazzjoni komprensiva dwar dokumenti oħra li ma’ jimtlewx direttament miċ-ċittadini, imam li jiġu maħruġa lilhom mill-organizzazzjonijiet kompetenti – universitajiet, ċentri tat-taħriġ, eċċ…  Aktar informazzjoni tista’ wkoll tinkiseb minn fuq is-sit tan-‘National Europass Centre (Malta) www.maltanec.gov.mt .

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

Aktar Stqarrijiet Right arrow