Left arrow Go Back

HRIGNA BL-UNURI GHAX HDIMNA FLIMKIEN

pr1824
Date Icon 12/12/2005
Diskors mill-Ministru għat-Turiżmu u KulturaFrancis Zammit Dimech waqt l-MHRA Gala Dinner fil-Meridien Phoenicia , Floriana
Is-senali waslet biex tispiċċa kienet waħda partikolari għat-turiżmu.  Kienet is-sena tar-ristrutturar ta’ l-Awtorità tat-Turiżmu ta' Malta , is-sena li fiha tnieda l-proċess tal-Branding ta’ Malta kif ukoll is-sena li fiha Malta organizzat il-Commonwealth Heads of Government Meeting u l-European Tourism Forum.
Il-laqgħataċ-CHOGM kif ukoll il-European Tourism Forum kienu żewġ opportunitajiet għal pajjiżna biex nuru x’kapaċi nagħmlu, biex nuru l-ħila tagħna biex nospitaw attivitajiet kumplessi taħt il-lenti ta’ l-istampa internazzjonali.  Bla ebda dubju ta’ xejn ħriġna bl-unuri.  Ħriġna bl-unuri għaliex ħdimna flimkien bl-interess tal-pajjiż quddiemna.  Jien kelli l-opportunità li nieħu sehem f’numru ta’ laqgħat ma’ entitajiet privati u ma’ organizzazzjonijiet bħall-MHRA minħabba dawn iż-żewġ avvenimenti.  Li laqatni f’dawn il-laqgħat kien kemm hu iżjed faċli f’li issib l-aħjar soluzzjoni meta kulħadd ikun qed jiġbed ħabel wieħed.  Naħseb il-prosit li qalgħet Malta wara dawn iż-żewġ avvenimenti huwa frott ta’ din il-ħidma kommunitarja tagħna.
Danl-ispirtu għandna nżommuh anke fil-proċess tar-ristrutturar u fil-proċess tal-branding.  Dawn huma żewġ inizjattivi li twieldu minn suġġerimenti tagħkom.  Huma suġġerimenti li l-Gvern ħa bis-serjetà, suġġerimenti li ma baqgħux fil-moħħ jew fuq il-karta imma li qed jiġu implimentati.  L-Awtorità tat-Turiżmu ta’ Diċembru ta’ din is-sena hija radikalment differenti mill-Awtorità tat-Turiżmu ta’ Jannar li għadda.  Kelli okkażżjonijiet u se jkolli okkażżjonijiet aktar idoneji minn tal-lejla sabiex nitkellem fuq l-effetti ta’ dak li qiegħed jiġri b’riżultat ta’ dawn il-bidliet.  Li nixtieq nemfasizza l-lejla hu li nkunu rnexxejna f’dan il-proċess biss jekk inkun irnexxilna nġibu lill-mutur ta’ l-industrja jaħdem b’mod iżjed effettiv u effikaċi.  Indikazzjonijiet li mexjin f’din id-direzzjoni diġà bdew ħerġin.  Żgur li l-effetti tal-bidliet se jinħassu aktar fix-xhur u s-snin li ġejjin.

Il-Branding huwa wkoll proċess li rridu nagħmlu flimkien.  Meta niġu biex insemmgħu leħinna fil-media internazzjonali, meta niġu sabiex nikkompetu bil-vuċi tagħna kontra l-vuċijiet tal-kompetituri tagħna aħna għandna żvantaġġ.  Huma għandhom vuċi aktar b’saħħitha anke jekk mhux isbaħ minn tagħna.  Insemmi biss per eżempju li waqt laqgħa li kelli ma’ Ministru tat-Turiżmu ta’ pajjiż kompetitur tagħna dan staqsieni x’fondi għandha l-Awtorità tat-Turiżmu tagħna għad-dispożizzjoni tagħha.  Meta għidtlu qalli li huma jonfqu l-istess ammont biss fuq reklamar dirett.  Ir-realtajiet tal-pajjiż huma li huma.  Id-daqs ta’ pajjiżna u r-riżorsi li għandna mhumiex se jinbidlu għalhekk irridu niżguraw li nużaw dak li għandna bl-aħjar mod.  Il-proċess tal-Branding se jgħinna nagħmlu dan.  Jiena nawgura li dan il-proċess, immexxi mill-Awtorità u li għalih il-Gvern din is-sena vvota s-somma inizjali ta’ nofs miljun lira, ikompli miexi ’l quddiem bl-involviment u l-parteċipazzjoni ta’ l-industrija partikolarment ta’ l-MHRA.

Fid-diskors li għamilt fil-laqgħa annwali ta’ l-MHRA għidt li l-Gvern, bħall-investitur privat, qiegħed jinvesti fit-turiżmu għax jemmen li dan is-settur irendi.  Sabiex inkattru dan ir-ritorn iridu nkomplu naħdmu flimkien.  Naf li din hija wkoll il-filosofija ta’ l-MHRA u għalhekk ngħid li r-relazzjoni tajba li l-Gvern għandu ma’ din l-Assoċjazzjoni se tkompli tissaħħaħ fil-futur.  

Share this Press Release Icon socials Icon socials Icon socials Icon socials

Other Press Releases:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI ...

More Press Releases Right arrow