Tisbiħ tal-Ġonna Howard b’investiment ta’ LM265,000
pr1781
06/12/2005
| Il-Ministeru | għat-Turiżmu u Kultura flimkien ma’ l-Awtorita’ għat-Turiżmu ta’ Malta qegħdin iwettqu proġett għat-tisbiħ tal-Ġonna Howard, barra s-swar ta’ l-Imdina. Hu stmat li f’dan il-proġett se jkunu investiti Lm265,000 li 75 fil-mija minnhom se jiġu minn fondi ta’ l-Unjoni Ewropea. |
| Il-proġett | għat-tisbiħ tal-Ġonna Howard hu wieħed minn żewġ proġetti li kkwalifikaw għal għajnuna mill-Unjoni Ewropea għal titjib tal-prodott turistiku. Għal dawn iż-żewġ proġetti l-Unjoni Ewropea qed tikkontribwixxi miljun Euro ta’ fondi. Il-proġett l-ieħor hu dak għat-tisbiħ tat-triq kollha mill-Valletta Waterfront tul it-Telgħa tal-Kruċifiss, Vjal Ġlormu Cassar għal Misraħ Kastilja. L-ewwel fażi ta’ dan il-proġett, it-tisbiħ ta’ Vjal Ġlormu Cassar, tlestiet f’dawn l-aħħar jiem. |
| Ix-xogħol | ta’ tisbiħ u ristrutturazzjoni tal-Ġonna Howard jinkludi titjib ta’ aċċessibilita’ għal min imur f’dawn il-ġonna, titjib fl-aċċessibilta’ tal-faċċata tal-mina ewlenija ta’ l-Imdina, ir-restawr tal-passaġġi kollha fil-ġonna u landscaping biex dawn il-ġonna jingħataw id-dehra sabiħa li kellhom fiż-żmien l-imgħoddi. Bħala parti mill-proġett il-Public Convenience se tiġi rilokata biex il-promenade tul il-foss jinfetaħ, se jitqiegħdu dwal ġodda, għamara tat-toroq ġdida u wiċċ ġdid. |
| Dan | il-proġett se jgħaqqad flimkien id-Domus Romana u l-Imdina – fejn għal dawn l-aħħar snin sar ħafna xogħol ta’ restawr flimkien mat-tqegħid taħt l-art tas-servizzi biex qed isir pavimentar ġdid – f’heritage park mill-isbaħ. |
| Il-Ministru | għat-Turiżmu u Kultura Francis Zammit Dimech qal li dan kien proġett ieħor li qed iwettaq il-Ministeru għat-Turiżmu u Kultura flimkien ma’ l-Awtorita’ għat-Turiżmu ta’ Malta biex intejjbu l-prodott turistiku li joffri pajjiżna. |
| “Il-Gvern | identifika sitt zoni li għandhom jingħataw priorita’ f’xogħljiet ta’ tisbiħ. L-Imdina, ir-Rabat, Ħad-Dingli, Ta’ Qali u l-Buskett huma waħda minn dawn iz-zoni u l-proġett ta’ tisbiħ tal-Ġonna Howard jinkwadra fil-ħidma li qed issir f’dan ir-rigward,” qal il-Ministru Zammit Dimech li żied ifakkar li l-Gvern fil-budget ta’ din is-sena ivvota Lm150,000 addizzjonali għall-immaniġġjar taz-zoni turistiċi. |
| Il-Ministru | Zammit Dimech qal li l-Ministeru għat-Turiżmu u Kultura flimkien mal-MTA kienu qed iwettqu proġetti oħra f’dawn iz-zoni. Hu semma li permezz ta’ fondi tal-MTA fi Qui Si Sana kien twaqqa’ l-Jumbo Lido biex ’il quddiem dan is-sit jissebbaħ. Fil-Mistra, wara li tneħħew trailers u biċċiet tal-baħar, il-MTA qed issebbaħ l-inħawi filwaqt li matul is-sena d-dieħla mistenni jitwettaq proġett ta’ tisbiħ fil-Ġonna Santa Margerita f’Bormla. |
| Il-Ministru | Zammit Dimech qal li l-Gvern kien għaddej b’diversi proġetti ta’ tisbiħ ma’ Malta u Għawdex kollha. Hu qal li dawn il-proġetti kienu se jgħollu l-prodott Malti għat-turisti iżda kienu se jikkontribwixxu wkoll biex il-poplu Malti jgħix f’ambjent aħjar. |
Stqarrijiet Oħra:
PR261949en
PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...
PR261949