Left arrow Mur Lura

Servizz ta’ Lingwa tas-Sinjali fl-Iskejjel

pr1741
Date Icon 30/11/2005
Il-Ministru ta’ l-Edukazzjoni,Żgħażagħ u Xogħol, Dr Louis Galea illum ħabbar li sar ftehim bejn l-istess Ministeru u l-Għaqda Persuna Neqsin Mis-Smigħ (Malta) dwar servizzi ta’ interpreti tal-lingwa tas-sinjali fl-iskejjel Maltin għal dawk l-istudenti neqsin mis-smigħ u li jitgħallmu b’dan il-metodu.
F’dan il-ftehim ġie deċiż li l-Ministerujixtri s-servizzi ta’ dawn il-professjonisti biex ikunu jistgħu jagħtu servizz ta’ interpretu fil-klassi ma’ l-istudenti.  Dan is-servizz qed jingħata lil dawk l-istudenti li jikkommunikaw bil-lingwa tas-sinjali Maltija.
Il-Ministru Galea spjega kif fuq medda ta’sentejn hu ħatar diversi gruppi ta’ ħidma biex janalizzaw diversi aspetti ta’ l-edukazzjoni u joħorġu bir-rakkomandazzjonijet biex intejbu l-kwalità ta’ l-edukazzjoni f’pajjiżna.  Wieħed minn dawn il-gruppi kien immexxi mis-sur Lino Spiteri u ffokka fuq l-edukazzjoni inklussiva u speċjali.
Fost ħafna osservazzjonijiet urakkommandazzjonijiet li għamel il-grupp hemm emfasizat il-fatt li fl-iskejjel, tfal b’diżabilta mhux biss servizz ta’ ‘facilitator’ ikollhom bżonn, imma jista’ jkun hemm servizzi oħrajn li jkunu ta’ aktar benefiċċju.  Wieħed mis-servizzi msemmija kien propju dak ta’ l-interpretu tal-lingwa tas-sinjali.  Numru ta’ tfal neqsin mis-smigħ kienu qed isibu diffikulta’ fl-iskejjel regolari peress li huma jikkomunikaw bis-sinjali filwaqt li l-għalliem bil-lingwa mitkellma.  B’dan is-servizz l-interpretu se jinterpreta l-lingwa mitkellma fil-klassi b’sinjali li l-istudent nieqes mis-smigħ jista’ jifhem u vici versa.
Il-Ministru Galea spjega kif fil-passatkellna studenti li spiċċaw l-iskola obbligatorja u xtaqu jkomplu l-istudji tagħhom, imma ma setgħux għax dan is-servizz ma kienx offrut fil-livell post-sekondarju.  “Huwa ta’ sodisfazzjon li minn din is-sena skolastika fl-MCAST għandna 6 studenti neqsin mis-smigħ li qed isegwu diversi korsijiet bl-għajnuna tas-servizz ta’ l-interpretu” qal il-Ministru Galea.  “L-iskop tal-Gvern huwa ċar.  F’kull azzjoni li qed nieħdu, kull proġett li qed nimplimentaw, u kull pjan li qed inwettqu, l-iskop ewlieni u ċentrali dejjem hu t-titjib tal-kwalità ta’ l-edukazzjoni biex uliedna jirnexxu lkoll” sostna Dr. Galea.  Rappreżentanti ta’ l-għaqda u rappreżentanti tal-Ministeru qed jikkordinaw u jassiguraw li l-obbligi tal-ftehim jiġu mwettqa.  Xogħol ieħor qed isir biex jiġu identifikati aħjar x’inhuma l-bżonnjiet tal-klijent, jiġifieri l-istudent, ħalli s-servizz ikun imfassal skond dawn il-ħtiġijiet.
Il-Ministru Galea qal li dan huwa passieħor importanti fit-twettiq tal-politika tal-Gvern li dejjem trid ittejjeb l-aċċessibilità għall-edukazzjoni ta’ kwalità għal kulħadd. Barra minn hekk qed jittieħdu passi biex aktar facilitators u għalliema jiġu mħarrġa f’diversi oqsma ta’ bżonnijiet speċjali biex aktar studenti jiksbu d-dritt tagħhom għal żvilupp sħiħ tal-potenzjal tagħhom.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  €1.16 million to strengthen the resilience of coastal wetlands

PR261949en

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZZJONI TAL-KONSUMATUR  €1.16 miljun biex tissaħħaħ ir-reżiljenza tal-ekosistemi mistagħdra kostali

PR261949

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZ...

Aktar Stqarrijiet Right arrow