Il-Viċi Prim Ministru u Ministru tal-Ġustizzja u l-Intern jirringrazzja lill-Forzi ta’ l-Ordni
pr1734
28/11/2005
| F’ittra li | bagħat lill-Kummissarju tal-Pulizija, il-Viċi Prim Ministru u Ministru tal-Ġustizzja u l-Intern, l-Onor. Dr. Tonio Borg, irringrazzja lill-membri kollha tal-Korp tal-Pulizija għall-ħidma li wettqu tul il-gimgħa li fiha saret il-Laqgħa tal-Kapijiet tal-Gvern tal-Commonwealth, ic-CHOGM. |
| Fl-ittra tiegħu, | il-Vici Prim Ministru feraħ lill-membri tal-Korp tal-Pulizija għall-impenn li wrew matul il-gimgħa li għaddiet. “Is-suċċess tal-Pulizija” kompla l-Viċi Prim Ministru “kien dovut għad-dedikazzjoni li wrejtu f’cirkostanzi diffiċli speċjalment minħabba l-profil għoli tal-parti l-kbira tal-kapijiet li attendew.” |
| Huwa kompla jgħid li | l-preżenza tal-Pulziija fil-postijiet fejn kienu għaddejjin l-attivitajiet servew ta’ serħan il-moħħ għal kulħadd, ħaġa li faħħruha d-delegati stess. Il-Vici Prim Ministru Tonio Borg faħħar ukoll l-arranġamenti tat-traffiku li kien organizzat tajjeb ħafna u ħoloq l-inqas inkonvenjent possibbli għall-pubbliku. |
| Il-ħidma u d–dedikazzjoni | tal-Pulizija xejnu d-dubji li xi wħud urew li kellhom, dwar kemm il-Forzi ta’ l-Ordni setgħu ilaħħqu ma’ avveniment tad-daqs tac-CHOGM, li laqqgħet 53 kap ta’ stat. Il-Pulizija taw risposta permezz tal-ħidma tagħhom. |
| Il-Viċi Prim Ministru | għalaq billi wera r-rikonoxximent tal-Gvern u wera ruħu sodisfatt li l-investiment fil-Korp tal-Pulizija qed jagħti l-frott. |
Other Press Releases:
PR261949en
PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...
PR261949