IL-VIĊI PRIM MINISTRU TONIO BORG JILTAQA` MAL-MINISTRU AWSTRALJAN GĦALL-GVERN LOKALI
pr1599
03/11/2005
| Il-Ministru | Awstraljan tal-Gvern Lokali ta’ New South Wales , l-Onor. Kerry Hickey, li bħalissa qiegħed għal żjara f’Malta, dal-għodu kellu laqgħa mal-Viċi Prim Ministru u Ministru tal-Ġustizzja u l-Intern, responsabbli mill-Gvern Lokali, Dr Tonio Borg. |
| Il-Ministru | Hickey li sar Ministru tal-Gvern Lokali aktar kmieni din is-sena, iddeċieda li jżur Malta sabiex jiffamiljarizza ruħu mal-mudell Malti tal-Kunsilli Lokali, kif ukoll biex isir jaf aktar dwar l-esperjenza tad-demokrazija lokali f’pajjiżna. |
| Fil-laqgħa | bejn il-Viċi Prim Ministru Tonio Borg u l-Ministru Awstraljan ġew diskussi diversi temi bħall-qafas legali tal-Kunsilli Lokali u b’mod partikolari r-relazzjoni bejn il-Gvern Lokali u l-Gvern Ċentrali. Ġew diskussi wkoll sistemi differenti ta’ kif il-Gvern jiddevolvi funzjonijiet tiegħu lill-Kunsilli u kif jiżgura li dawn il-funzjonijiet qed jitwettqu b’mod xieraq. Ġie diskuss ukoll l-arranġament finanzjarju għall-Gvern Lokali, kif ukoll oqsma oħa relatati. |
| Il-Ministru | Hickey, li jinsab akkumpanjat mid-Direttur Ġenerali tad-Dipartiment tal-Gvern Lokali Gary Payne u minn Genevieve Slattery, ic-Chief of Staff ta’ l-uffiċċju tal-Ministru, se jdum Malta sa l-4 ta’ Novembru fejn se jiltaqa’ wkoll mas-sindku tal-Belt Valletta Dr Paul Borg Olivier. |
| Għal-laqgħa | kien hemm preżenti s-Sur Natalino Attard, Direttur tad-Dipartiment tal-Gvern Lokali u s-Sur Alan Delia, uffiċċjal tal-Ministeru tal-Ġustizzja u l-Intern. |
Stqarrijiet Oħra:
PR261949en
PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...
PR261949