Ħaddiema tal-Gvern iwaqqgħu bini max-Xatt ta’ Tas-Sliema
pr1592
01/11/2005
| Binja | li ilha snin tkerrah ix-xatt ta’ Tas-Sliema bdiet titwaqqa’ minn ħaddiema tat-Taqsima tax-Xogħlijiet fi ħdan il-Ministeru għar-Riżorsi u l-Infrastruttura. Il-bini magħruf bħala l-Jumbo Lido ġewwa Qui-Si-Sana kien ilu abbandunat diversi snin. |
| Apparti | li kien ikerrah l-ambjent, dan il-bini kien ta’ periklu għal pubbliku. Il-Ministru għar-Riżorsi u l-Infrastruttura Ninu Zammit żar dawn ix-xogħlijiet kmieni filgħodu. Ix-xogħlijiet ta’ twaqqiegħ qed isiru minn ħaddiema tat-Taqsima tax-Xogħlijiet. Dan il-post se jkun jista’ jitgawda ferm aħjar mill-bosta għawwiema li jiffrekwentaw l-inħawi. |
| Il-Gvern | huwa mpenjat li jkompli jsebbaħ l-ambjent ta’ pajjiżna u jtejjeb il-prodott turistiku bit-twettiq ta’ diversi proġetti. Il-Ministru Ninu Zammit fakkar fl-għexieren ta’ proġetti ta’ tisbiħ u restawr li l-Ministeru għar-Riżorsi u l-Infrastruttura wettaq fl-aħħar sentejn. Ma’ dawn, wieħed għandu jinkludi d-diversi nterventi li jagħmlu differenza kbira fl-ambjent ta’ pajjiżna. Bħal ma sar fil-proġett ta’ tisbiħ mill-ajruport sal-Belt, fejn twettqu diversi nterventi ta’ tisbiħ, it-twaqqiegħ tal-Jumbo Lido se jagħti dehra ferm isbaħ lil din il-parti ta’ tas-Sliema. |
| Għal | sena d-dieħla (2006), hemm ippjanati diversi proġetti ta’ tisbiħ li se jitwettqu minn ħaddiema tal-Gvern. Ewlieni fosthom huwa it-trasformazzjoni tax-Xagħra ta’ Bormla, meqjusa bħala l-pulmun tal-Kottonera, minn post abbandunat u żdingat għal post ta’ rikreazzjoni għall-familja kollha. |
Stqarrijiet Oħra:
PR261948
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA ...
PR261947