DISKORS TAL-FTUĦ MILL-ONOR. NINU ZAMMIT, MINISTRU GĦAR-RIŻORSI U L-INFRASTRUTTURA FL-OKKAŻJONI TAL-PREŻENTAZZJONI TA’ DOKUMENT GĦAL DISKUSSJONI PUBBLIKA INTITOLAT “CONSERVATION OF FUEL, ENERGY AND NATURAL RESOURCES” – FLORIANA
Sinjuri,
| Huwa | pjaċir għalija li dalgħodu ġejt inniedi dan id-draft consultation document dwar “Conservation of fuel, energy and natural resources”, dokument li ilu jinħema żmien relattivament twil. |
| Bħala | parti mill-istrateġija għal Żvilupp Sostenibbli li l-Gvern qiegħed ifassal għal Malta , huwa meħtieġ li l-industrija tal-bini tieħu miżuri biex isir użu aħjar u aktar effikaċi tar-riżorsi naturali. Dan sabiex tiżdied l-effiċjenza fl-użu ta’ l-enerġija li tiġi wżata fil-bini tagħna. |
| Il-pajjiż | huwa marbut li jnaqqas il-greenhouse gases (CO2) sa l-2012, kemm minħabba l-protokoll ta’ Kyoto kif ukoll minħabba d-direttiva 2002/91 ta’ l-Unjoni Ewropea dwar l-effiċjenza fl-użu ta’ l-enerġija fil-bini tagħna. |
| Permezz | ta’ din id-direttiva, l-Istati Membri huma obligati li jdaħħlu fil-leġiżlazzjoni tagħhom numru ta’ miżuri biex jassiguraw li l-istandards tal-bini jiġu mtejjba bil-għan li jiggarantixxu konsum effiċjenti fl-użu ta’ l-enerġija. |
| Ir-riċerka | wriet li, sas-sena 2010, madwar 20% tal-konsum preżenti ta’ l-enerġija li tintuża fl-Ewropa tista’ tkun iffrankata jekk ikunu applikati standards u specifications aħjar fl-industrija tal-kostruzzjoni. |
| Huwa | stmat li l-użu ta’ l-enerġija fil-bini residenzjali jammonta għal madwar 40% tal-konsum ta’ l-enerġija totali li tiġi kkunsmata. |
| Minħabba | l-livell dejjem jogħla ta’ l-għajxien tagħna, dan il-konsum qiegħed jikber kull sena. Għalhekk jeħtieg li filwaqt li nkomplu ntejbu dan il-livell ta’ għajxien ma għandniex inkunu, mill-banda l-ohra, ħalja fl-użu ta’ l-enerġija. |
| Huwa | kkalkulat li ammont sostanzjali ta’ enerġija li jintuża għad-dawl, sistemi ta’ sħanat (heating) u ta’ arja kkundizzjonata (heating and cooling) tista’ tkun iffrankata. Dan billi jkollna bini li jkun iddisinjat u mibni b’mod aħjar u billi jiddaħlu sistemi u teknoloġiji iktar effiċjenti ta’ kontroll ta’ servizzi wzati fil-bini. |
| Id-Direttiva | 2002/91 għandha prinċipalment erba’ rekwiżiti. Dawn huma: |
1 Li kull Stat Membru għandu jistabbilixxi u jirrevedi regolarmenti standards ta’ kif bini ġdid, kif ukoll dak li jsirulu tibdiliet sostanzjali, ikun mibni u mgħammar b’servizzi li jikkontrollaw u jillimitaw kemm teknikament possibbli l-ħela ta’ l-enerġija.
2 Li tiġi żviluppata u ntrodotta metodoloġija komuni fl-Istati kollha għall-kejl ta’ l-użu ta’ l-enerġija fil-bini. Din il-metodoloġija għandha tikkunsidra aspetti bħal thermal insulation, sistemi ta’ produzzjoni ta’ sħana, arja kkundizzjonata, ventilazzjoni naturali, dawl artifiċjali u sħana mix-xemx.
3 Li tiddaħħal sistema ta’ ċertifikazzjoni ta’ l-effiċjenza fl-użu ta’ l-enerġija ta’ kull bini li jinbena ġdid jew li jsirulu tibdiliet sostanzjali. Fil-każ ta’ bini li jkun jintuża regolarment mill-publiku, dan iċ-ċertifikat għandu jkun imwaħħal għall-wiri f’post ċentrali biex jitqajjem għarfien akbar fost il-poplu dwar l-importanza ta’ l-effiċjenza fl-użu ta’ l-enerġija.
4 Ir-raba’ rekwiżit hu li tkun stabbilita sistema ta’ spezzjonijiet regolari ta’ bojlers u tagħmir ta’ l-arja kkundizzjonata ta’ ċertu saħħa jew kapacita’. Fil-każ ta’ bojlers, din is-saħħa jew kapacita’ hi ta’ minimu ta’ 20 kW u għal sistemi ta’ arja kkundizzjonata ta’ ’l fuq minn 12 kW.
| Filwaqt | li r-rekwiżiti ta’ l-istandards minimi u tad-dħul ta’ metodoloġija għal kejl ta’ l-użu ta’ l-enerġija jridu jkunu ntrodotti sa Jannar 2006, id-Direttiva tagħti fakulta lil Stati Membri li jitolbu deroga li tista’ tkun sa perjodu li ma jeċċedix tlett (3) snin, u dan bil-ghan li jkun ipprovdut perjodu adekwat biex ikun jista’ jiddaħħal iċ-ċertifikazzjoni u r-reġimi ta’ spezzjonijiet ta’ bojlers u sistemi ta’ arja kkundizzjonata. |
| Kif | wieħed jista’ jobsor, id-dħul ta’ dawn is-sistemi ta’ ċertifikazzjoni u spezzjonijiet jirrikjedu numru ta’ nies li jkunu professjonalment imħarga u akkreditati biex jagħmlu dan ix-xogħol. Minħabba dan, u peress li l-metodoloġija li ser tintuża f’Malta ser tkun lesta għal ħabta ta’ l-aħħar ta’ Novembru, mhux ser ikun possibbli li r-rekwiziti ta’ ċertifikazzjoni u spezzjonijiet ta’ bojlers u sistemi ta’ arja kkundizzjonata jiddaħħlu f’Jannar li ġej. |
| Il-Ministeru qiegħed jaħseb ukoll li wara li l-metodoloġija tiġi | ntrodotta, isiru numru ta’ laqgħat ta’ tagħrif kif ukoll numru ta’ korsijiet biex wieħed ikun jista’ jiġi akkreditat biex jwettaq dan ix-xogħol. |
| It-tnedija | ta’ dan id-dokument tal-lum hu l-ewwel pass biex nibdew fit-triq li jiddaħħlu regolamenti ġodda li jimponu l-istandards minimi kemm fit-tfassil u kostruzzjoni tal-qoxra jew ix-shell tal-bini tagħna kif ukoll fl-użu ta’ sistemi ta’ kontroll tas-sistemi tas-sħana, arja kkundizzjonata, u dawl artifiċjali. Ma’ dawn ħassejna li għandna wkoll indaħħlu regolamenti dwar il-ħażna u l-użu ta’ l-ilma tax-xita. |
| Fir-regolamenti li qed nfasslu, ħadna ħsieb li l-impatt finanzjarju | fil-kostruzzjoni ta’ bini ġdid ikun l-inqas possibbli. Għalhekk ħassejna li fejn tidħol insulazzjoni termika jew thermal insulation, għalissa, nispeċifikaw valuri li ma jkunux ta’ livell għoli ħafna li jkunu jirrikjedu żieda sostanzjali fil-prezz tal-kostruzzjoni kif ukoll tibdil sostanzjali fil-mod ta’ kostruzzjoni li aħna mdorrijin bih. Biex nagħti eżempju, ħassejna li għalissa, l-insulazzjoni termika (thermal insulation) li hi provduta b’ħajt tal-ġebel dobblu, b’vojt fin-nofs u b’zewġ qoxriet tas-6” u li jkun espost għall-barra, għandu jkun il-livell minimu li kull bini f’Malta għandu jkollu fejn jirigwarda il-ħitan esposti għall-elementi naturali. Ħassejna wkoll li għandna nkunu aktar riġidi fir-rigward tas-soqfa, u għalhekk ġew proposti livelli ta’ insulazzjoni termiki ta’ ċertu livell li huma ogħla minn dawk li wieħed ikollu b’kostruzzjoni konvenzjonali u normali ta’ saqaf tal-konkrit b’kontra bejt tradizzjonali. |
| Fir-rigward | ta’speċifikazzjonijiet relati mat-twieqi, ir-regolamenti qed jintroduċu l-użu ta’ materjali u sistemi ġodda, bħall-double glazing, li riċentament bdew jiġu mdaħhla fis-swieq tagħna biex jikkontrollaw l-ammont ta’ shana jew kesħa li tgħaddi għal ġewwa jew toħrog mill-bini tagħna. Nafu li għalkemm dawn il-miżuri jgħollu l-prezz inizjali tal-bini, din l-ispiża tkun irkuprata sew fuq medda qasira ta’ snin. |
| Bhal | ma’ jaf kulħadd, il-Gvern hu mpenjat biex ikabbar l-użu ta’ apparat li juża enerġija alternattiva. Is-sussidji li ngħataw fuq l-installazzjoni ta’ Solar Water Heaters huma wieħed mill-miżuri li diġa’ ttieħdu. Miżura oħra hija l-ħlas mill-Enemalta lil dawk li jissupplixxu l-energija minn Photovoltaics lill-istess korporazzjoni. Ma’ dawn nieħdu pjaċir ukoll insemmu l-inizjattiva li ħadet l-Awtorita' tad-Djar biex kull proġett li tibni jkun jinkorpora miżuri biex dawn il-binjiet ikunu aktar effiċjenti fl-użu ta’ l-enerġija. |
| Minn | hawn inħeġġeġ lill-Periti u Inġiniera Maltin, kif ukoll lill-kuntratturi, biex jagħmlu l-almu tagħhom kollu biex ikattru l-kultura fost il-klijenti tagħhom li l-bini irid jaħseb għal użu iżjed effiċjenti ta’ l-enerġija. |
| Nixtieq | finalment ukoll nuri l-apprezzament tiegħi għal dawk kollha li taw sehemhom biex seta’ jiġi msawwar dan id-dokument kif ukoll lill-dawk li qegħdin jaħdmu fuq id-dokumenti l-oħra li għad irridu jinħargu. Dan id-dokument huwa issa miftuħ għad-diskussjoni pubblika bejn il-partijiet konċernati kollha biex imbagħad jgħaddi għad-deċiżjoni finali minn naħa tal-Gvern. |
Grazzi.
Stqarrijiet Oħra:
PR261948
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA ...
PR261947