Left arrow Mur Lura

JINGĦATAW DETTALJI DWAR L-EŻERĊIZZJU TA’ SIMULAZZJONI U L-AĦĦAR ŻVILUPPI DWAR L-INFLUWENZA TAT-TJUR

pr1517
Date Icon 20/10/2005
L-eżerċizzjutas-simulazzjoni dwar l-influwenza tat-tjur se jsir nhar il-Ġimgħa 21 t’Ottubru matul in-nofs ta’ nhar ta’ filgħodu.  Dan se jsir wara qbil ma’ l-Unjoni Ewropea.  Biex ikun assigurat li dan l-eżerċizzju jilħaq l-iskop ewlieni tiegħu  mhux se jingħataw dettalji dwar il-post fejn se jsir l-eżerċizzju.
Danintqal mill-Ministru għall-Affarijiet Rurali u l-Ambjent George Pullicino waqt konferenza ta’ l-aħbarijiet.
Il-MinistruPullicino appella biex kulħadd jikkopera mal-forzi ta’ l-ordni u biex kulħadd jikkollabora u jissaporti kwalunkwe inkonvenjent li jista’ jinħoloq b’dan l-eżerċizzju.  Hu qal li dan l-eżerċizzju se jinvolvi l-egħluq ta’ żona ta’ 3 kilometri madwar is-sit li se jkun indikat bħala l-post fejn instab il-virus għall-iskop ta’ dan l-eżerċizzju.  B’hekk din iż-żona se tkun magħluqa totalment, jiġifieri t-toroq kollha kif ukoll kull moviment ’il barra u ’l ġewwa minn dik iż-żona.
Sessir eċċezzjoni għas-servizzi ta’ emerġenza li jista’ jkun hemm bżonn jgħaddu mill-inħawi, liema servizzi mhux se jkunu milquta bl-ebda mod minn dan l-eżerċizzju.
Il-MinistruPullicino qal li se jibda jaħdem il-freephone li huwa 80072211 li se jkun attivat matul il-ħin ta’ l-uffiċċju u li fuqu għandhom ikunu indirizzati xi mistoqsijiet dwar l-influwenza tat-tjur.  Hu fakkar li n-numru l-ieħor 7903 3044, se jibqa’ jaħdem ukoll u se jkun attivat 24 siegħa kuljum, sebat’ijiem fil-ġimgħa.  Dan in-numru għandu jintuża biex ikunu rrapurtati każijiet suspetti ta’ għasafar mejta jew morda.

L-Onor. Pullicino qal li qed jiżdiedu n-numru ta’ telefonati li qed jirrapportaw każijiet ta’ għasafar mejtin jew każijiet suspetti oħrajn.  Hu qal li uffiċjali mid-Diviżjoni ta’ l-Ikel u Attivita’ Veterinarja qed jinvestigaw kull rapport li qed jidħol u qed jittieħdu kampjuni minn dawn il-każijiet.  Il-Ministru Pullicino appella biex ma jkunx hawn allarm żejjed u kulħadd għandu japprezza li l-uffiċjali tad-

Dipartimentqegħdin fuq l-ogħla livell ta’ tħejjija u qed jittieħdu l-prekawzjonijiet kollha biex ikun assigurat li tkun imħarsa s-saħħa pubblika.
Il-MinistruPullicino rringrazzja lill-Federazzjoni tal-Ħamiem tat-Tiġrija u l-Għaqda ta’ l-Għasafar tal-Wiri li kkonfermaw id-disponibbilta’ tagħhom li jikkoperaw ma’ l-awtoritajiet.  Huma qablu li għalissa jissosspendu t-tiġrijiet tal-ħamiem u l-wirjiet ta’ l-għasafar rispettivament bħala prekawzjoni.
GeorgePullicino fakkar li minn nhar il-Ġimgħa 21 t’Ottubru ser tibda r-reġistrazzjoni ta’ tjur fl-uffiċċji kollha tal-Kunsilli Lokali.  Din ir-reġistrazzjoni se ddum miftuħa għal ġimgħa, sal-Ġimgħa 28 t’Ottubru 2005.  Permezz ta’ din ir-reġistrazzjoni se tinġabar informazzjoni dwar tajr li jitrabba fid-djar jew f’postijiet oħrajn u li sal-lum għadhom qatt ma kienu reġistrati.  L-intenzjoni hi li tinġabar informazzjoni dwar tiġieġ, papri, dundjani u fancy birds oħrajn.  Il-Ministru qal li l-leġislazzjoni biex min ikollu tajr f’daru jirreġistrahom ilha fis-seħħ f’Malta sa mill-1989 u din kienet tirrigwarda b’mod partikolari t-tiġieġ tas-simna (broilers).  Hu qal li minbarra li jgħin biex jissaħħu l-prekawzjonijiet f’din l-eventwalita’, dan l-eżerċizzju se jwassal ukoll biex ikollna informazzjoni aktar aġġornata dwar il-popolazzjoni ta’ għasafar f’Malta.
Is-SegretarjuParlamentari għall-Agrikoltura u Sajd Frans Agius tenna li pajjiżna għandu sistema li tiggarantixxi t-traceability tal-fellus mit-trobbija sakemm jasal fl-impjant ta’ l-ipproċessar u sakemm dan jasal għand il-konsumatur.   Kull proċessur approvat mis-servizzi veterinarji għandu dik li tissejjaħ health mark. Din tkun imwaħħla wkoll fuq il-prodotti tat-tiġieġ li l-konsumatur ikun ser jixtri. L-Onor. Agius appella lill-konsumatur biex jara, kif inhu d-dritt tiegħu, li din il-health mark qegħda fuq il-prodott.  Dan huwa importanti biex ikun assigurat li l-prodott li qed jixtri huwa ħieles minn kull mard.
Is-SegretarjuParlamentari Frans Agius qal li f’Malta hawn sitt proċessuri li huma approvati skond direttivi ta’ l-Unjoni Ewropea.  Dan ikompli jikkonferma kemm il-prodott Malti huwa garantit li hu ppreparat skond l-aqwa standards ta’ iġjene u kontroll.  L-Onor. Agius tenna li l-konsumatur għandu jivverifika li t-tikketta fuq il-prodott għandu jkollha deskrizzjoni ċara tal-prodott, l-indirizz ta’ l-impjant fejn kien ipproċessat u data sa meta l-prodott għandu jintuża (best before date).
Huqal li l-bajd tat-tifqis li jgħaddi mill-postijiet tad-dħul ta’ Malta (ajruport, port u Freeport) jiġi rreġistrat f’data base.  Meta l-bajd jgħaddi għand il-hatcheries għat-tifqis dawn jiġu rreġistrati skond l-ordni li ssir mill-produtturi rispettivi.  Dan jagħmilha aktar faċli biex ikollna iktar traceability sa meta t-tiġieġ jasal għand il-produtturi.
Is-Segretarju Parlamentari Frans Agius qal li biex jiġi iktar ikkonsolidat id-dritt tal-konsumatur li jkollu prodotti lokali ħielsa minn kull mard u maħduma skond standards għoljin jeżisti avviż legali ieħor li hu dwar twaħħil ta’ tikketti, preżentazzjoni u riklamar ta’ oġġetti ta’ l-ikel.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA   Aktar mediċini mill-Formularju tal-Gvern se jkunu jistgħu jiġu mibdija jew imġedda mit-tobba privati tal-familja

PR261948

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA ...

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

Aktar Stqarrijiet Right arrow