“NIPPROMWOVU Ċ-CHOGM”
pr1511
19/10/2005
| Il-Gvern nieda kampanja | ta’ pubbliċità sabiex jippromwovi l-laqgħa tal-Kapijiet tal-Gvern tal-pajjiżi tal-Commonwealth (CHOGM) li se titlaqqa’ f’Malta x-xahar id-dieħel. Sittax-il sponsor qed jieħdu sehem f’din il-kampanja b’investiment ta’ madwar Lm 500,000. |
| Il-Prim | Ministru Lawrence Gonzi, waqt l-inawgurazzjoni tal-kampanja, li saret il-bieraħ f’lukanda f’San Ġiljan, qal li c-CHOGM se tkun l-aktar avveniment importanti li se jsir f’Malta wara l-Indipendenza. Huwa qal li f’Malta se jiltaqgħu madwar terz tal-mexxejja tal-pajjiżi tad-dinja li jirrapreżentaw 1.8 biljun persuna f’ħames kontinenti. |
| Il-Prim | Ministru qal li din hija opportunità biex il-pajjiż juri lid-dinja li kapaċi jorganizza avveniment daqstant importanti u fl-istess ħin juri dak li joffri mill-aspett storiku u kulturali. Il-Prim Ministru qal li l-avveniment daqstant ieħor se jservi biex jippromwovi lil Malta mil-lat turistiku u kummerċjali. |
| Il-Prim | Ministru Gonzi qal li “din se tkun opportunità biex id-dinja tagħraf il-potenzjal ta’ Malta bħala ċentru kummerċjali li minnu jistgħu joperaw kumpanniji li jridu jinvestu fl-Unjoni Ewropea u fis-suq ta’ l-Afrika ta’ Fuq li qed dejjem jikber.” |
| Il-Prim | Ministru appella biex kull Malti jħossu parti minn dan l-avveniment u dan anke minħabba l-fatt li pajjiżna se jkun iċ-ċentru ta’ l-attenzjoni internazzjonali għal tlett ijiem sħaħ bil-miġja ta’ mijiet ta’ ġurnalisti. |
| Qabel | l-inawgurazzjoni tal-kampanja, il-Prim Ministru Gonzi żar ukoll il-Command and Control Centre taċ-CHOGM Task Force minn fejn qed jiġu koordinati d-diversi ħidmiet involuti fit-tlaqqiegħ tal-konferenza. Iċ-CHOGM Task Force hija mmexxija mill-Ambaxxatur Salv Stellini. |
| Bħala | parti mill-kampanja ta’ pubbliċità biex tippromwovi l-laqgħa tac-CHOGM tnieda ukoll spot televiżiv li se jixxandar f’Malta u barra. |
Stqarrijiet Oħra:
PR261948
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA ...
PR261947