Left arrow Go Back

Xogħlijiet sinonimi ma’ kwalita’ artistika

pr1448
Date Icon 08/10/2005
GabrielCaruana hu artist ewlieni Malti b’karriera twila fil-qasam tal-produzzjoni taċ-ċeramika, skulturi, tpinġija u xogħol b’taħlita ta’ diversi media.
GabrielCaruana esebixxa x-xogħlijiet tiegħu sew lokalment kif ukoll barra minn Malta . Hu jmexxi Studio u “The Old Mill Culture & Crafts Centre” f’Birkirkara  fejn ix-xogħlijiet tiegħu huma għall-wiri b’mod permanenti u fejn jintwerew ukoll xogħlijiet ta’ artisti li jkunu f’pajjiżna.
GabrielCaruana qiegħed bħalissa jesebixxi xogħlijiet li m’humiex fiċ-ċeramika fl-Atrium tal-Kavallier ta’ San Ġakbu – Ċentru għall-Kreattivita’. Għal din l-okkażjoni l-kritiku u l-istoriku fl-arti Bonne ten Kate qed iniedi l-ktieb tiegħu “Another Side of Gabriel Caruana – his non ceramic work”. F’dan il-ktieb hemm 250 ritratt li jillustraw il-varjeta’ wiesa’ tal-ħafna dixxiplini fil-qasam artistiku ta’ Caruana.  Il-ktieb jibda’ b’xogħlijiet ta’ Caruana mill-ewwel snin tiegħu ta’ formazzjoni u jkopri kull attivita’ artistika ta’ Caruana.
Il-Ministrugħat-Turiżmu u Kultura Francis Zammit Dimech inawgura din il-wirja ta’ xogħlijiet mhux fiċ-ċeramika ta’ Gabriel Caruana. Hu qal li Gabriel Caruana kien artist b’karriera twila warajh li x-xogħlijiet tiegħu għamlu unur lilu u lil pajjiżna f’Malta u barra minn xtutna.
“GabrielCaruana hu artist anzjan u prolifiku. Ix-xogħlijiet tiegħu fiċ-ċeramika, skultura, tpinġija u taħlita ta’ media huma sinonimi ta’ kwalità”, qal il-Ministru Francis Zammit Dimech. Hu żied li kien konvint li l-artisti żgħażagħ tagħna kellhom ħafna x’jitgħallmu minn Gabriel Caruana li baqa’ jaħdem u baqa’ jagħti l-kontribut tiegħu għall-arti Maltija.
Il-MinistruZammit Dimech kellu wkoll kliem ta’ tifħir għal Bonne ten Kate li qed jimmortalizza x-xogħlijiet ta’ Caruana f’żewġ kotba. Hu qal li wara li Bonne ten Kate ħareġ l-ewwel ktieb dwar ix-xogħlijiet ta’ Caruana “Ceramics”, flimkien mal-Professur Richard England , issa kien qed jippubblika ktieb ieħor dwar ix-xogħlijiet ta’ Caruana li ma kienux jinkludu xogħlijiet fiċ-ċeramika. Dawn il-kotba kienu jkopru kull attivita’ ta’ Gabriel Caruana u għalhekk setgħu jservu ta’ għajnuna sew għall-istoriċi ta’ l-arti kif ukoll għal artisti żgħażagħ Maltin fl-istudji tagħhom.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA   Aktar mediċini mill-Formularju tal-Gvern se jkunu jistgħu jiġu mibdija jew imġedda mit-tobba privati tal-familja

PR261948

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA ...

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

More Press Releases Right arrow