IMĦABBRA PROPOSTI GĦAL EMENDI FIR-REGOLAMENTI DWAR KAĊĊA U INSIB
pr1275
06/09/2005
| Wara deċiżjoni tal-Kabinett tal-Ministri, il-Gvern | ħabbar il-pubblikazzjoni ta’ avviż (Government Notice) li jinkludi proposti għal emendi fir-regolamenti dwar kaċċa u insib. Dawn il-proposti se jinħarġu għall-perjodu ta’ konsultazzjoni pubblika ta’ erba’ ġimgħat. |
| Dettalji dwar dawn il-proposti, li se jkunu | ppublikati fil-ħarġa tal-Gazzetta tal-Gvern tal-lum it-Tlieta, 6 ta’ Settembru 2005 ingħataw mill-Ministru għall-Affarijiet Rurali u l-Ambjent George Pullicino waqt konferenza ta’ l-aħbarijiet. |
| Il-Ministru Pullicino qal li fin-negozjati tas-sħubija | fl-Unjoni Ewropea l-Gvern Malti nnegozja ftehim dwar kaċċa u l-insib ma’ l-Unjoni Ewropea. Hu qal li qed isir dejjem aktar kruċjali li Malta tikkonforma ma’ dak li kien miftiehem matul in-negozjati dwar il-kaċċa u insib fil-gżejjer Maltin. Jekk Malta trid li tiggarantixxi dak li akkwistat permezz tan-negozjati, m’hemm ebda triq oħra għajr li timplimenta ċertu tibdil fir-regolamenti tal-kaċċa u insib f’Malta. |
| It-tibdiliet qed jiġu proposti aktar minn sena wara li Malta ssieħbet fl-Unjoni | Ewropea. Wara ż-żjara f’Malta mid-delegazzjoni tal-Kummissjoni Ewropea f’April li għadda l-Kummissjoni Ewropea ġibdet l-attenzjoni tagħna għall-ħtieġa li jkunu implimentati miżuri sabiex inkunu konformi mal-ftehim, kif ukoll ġibdet l-attenzjoni għal differenza fl-interpretazzjoni ta’ xi regolamenti. |
| Il-Ministru Pullicino qal li l-Kummissjoni Ewropea ilha tirċievi | regolarment ammont kbir ta’ protesti kemm mingħand individwi kif ukoll minn għaqdiet volontarji Maltin u anke barranin. Minbarra dan, il-Kummissjoni tara numru kbir u regolari ta’ artikli fl-istampa li jagħtu dehra tal-qgħada mwiegħra tal-kaċċa u l-insib f’Malta. Fl-istess ħin membri tal-Parlament Ewropew qed jagħmlu pressjoni dejjem akbar fuq il-Kummissjoni biex tieħu azzjoni u biex ikun żgurat li Malta tkun konformi mad-Direttiva ta’ l-Għasafar ta’ l-Unjoni Ewropea. Il-Kummissjoni trid twieġeb għal dawn l-allegazzjonijiet u turi li qed tieħu azzjoni biex ikun assigurat li Malta, bħala Stat Membru ta’ l-Unjoni Ewropea, qed tikkonforma ruħha mat-Trattat t’Adeżjoni |
| Il-proposti għall-emendi jikkonċernaw il-kaċċa fuq il-baħar għal | tnax-il speċi. Bħalissa din hi permessa mill-1 t’Ottubru sa’ l-aħħar ta’ Frar filwaqt li l-emenda proposta hija li l-kaċċa tkun mill-1 t’Ottubru sa’ l-aħħar ta’ Jannar. Dan se jsir għax id-Direttiva ta’ l-Unjoni Ewropea ma tippermettix kaċċa fuq għasafar fi triqthom lejn il-pajjiżi fejn ibejtu u matul ir-rebbiegħa. |
| Proposta oħra hi intiża biex tispeċifika l-limitu | ta’ veloċità massima ta’ opri tal-baħar li jintużaw għall-kaċċa fuq il-baħar. Permezz tal-proposta l-limitu ta’ veloċità massima qed ikun stabbilit bħala ta’ 18-il kilometru fis-siegħa. Dan qed ikun propost biex Malta tkun konformi mad-Direttiva ta’ l-Unjoni Ewropea li tagħti limitu ta’ veloċità massima ta’ 18-il kilometru fis-siegħa. |
| Il-proposta l-oħra tirrigwarda l-insib ta’ l-għasafar | ta’ l-għana li bħalissa hu permess mill-1 t’Ottubru sa’ l-10 t’April. L-emenda proposta hi biex dan l-insib isir mill-1 t’Ottubru sa’ l-31 ta’ Jannar. Dan qed ikun propost għaliex id-Direttiva ma tippermettix it-teħid ta’ għasafar li jkunu fi triqthom lejn pajjiżi fejn ibejtu u matul ir-rebbiegħa. |
| Il-Ministru Pullicino qal li l-possibilità li Malta tapplika l-Artiklu 9 | tad-Direttiva 79/409/KEE ukoll se tkun inkluża fir-Regolamenti. Dan l-Artiklu jippermetti l-possibilità ta l-użu ta’ deroga fuq ċerti kundizzjonijiet kif imfassla fid-Direttiva. Kif inhu mniżżel fil-Pożizzjoni Komuni ta’ l-Unjoni Ewropea (CONF-M 110/02) tas-27 ta’ Settembru 2002 f’Kaptilu 22: Ambjent, dan l-Artiklu jista’ jintuża “għat-teħid fir-rebbiegħa tal-Gamiema Streptopelia Turtur u s-Summiena Coturnix Coturnix”. B’hekk, bl-uzu ta’ dan l-artiklu, il-kaċċa għall-gamiem u s-summien ikun jista’ jibqa’ jsir f’Malta fir-rebbiegħa. |
| L-Onor. Pullicino qal li huwa importanti li wieħed | jifhem li jekk Malta ma tikkonformax ma’ dak li ġie miftiehem fin-negozjati tas-sħubija, hemm il-possibiltà li jintilef dak kollu li ġie akkwistat. Malta hija l-uniku pajjiż fl-Unjoni Ewropea li tippermetti t-teħid tal-gamiem u tas-summien fir-rebbiegħa u dan diġà kkawża ammont ta’ kontroversja fl-Unjoni Ewropea matul in-negozjati. |
| Fid-dawl ta’ dan Malta trid tieħu passi li jizguraw li tkun konformi | ma’ dak li ġiemiftiehem. Fl-aħħar mill-aħħar, l-iskop tad-Direttiva ta’ l-Għasafar mhuwiex li twaqqaf il-kaċċa imma li tiżgura li l-kaċċa tkun sostenibbli u ma tipperikolax dawk l-ispeċi t’għasafar li l-popolazzjoni tagħhom qed tonqos. |
| Il-Ministru George Pullicino qal li jekk irridu li l-kaċċa u l-insib jibqgħu | iseħħu f’pajjiżna, huwa fl-interess ta’ kulħadd li nassiguraw li kull attività ssir f’parametri legali u bi prattiċi sostenibbli. |
| Il-proposti għall-emendi għar-regolamenti ġew pubblikati għall-konsultazzjoni | pubblika ta’ erba’ ġimgħat. Kulħadd huwa mistieden jagħmel is-sottomissjonijiet għall-kunsiderazzjoni tal-Gvern. Dawn is-sottomissjonijiet għandhom jintbagħtu lis-Segretarju Permanenti fil-Ministeru għall-Affarijiet Rurali u l-Ambjent, Xatt il-Barriera, l-Belt Valletta. |
Stqarrijiet Oħra:
PR261947
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...
PR261946