Left arrow Go Back

IL-GVERN JIEĦU F’IDEJĦ IR-RESPONSABBILTA’ GĦAT-TMEXXIJA TA’ ŻONI INDUSTRIJALI

pr1170
Date Icon 09/08/2005
“Issaser tibda l-ħidma biex din iż-żona tibqa’ nadifa u tkun dejjem iżjed organizzata għall-ġid ta’ min jaħdem hawn u ta’ min jiġi jixtri minn hawn.  Sabiex ikun hemm kordinazzjoni aħjar għall-manutenzjoni u l-indafa ta’ dawn iż-żoni industrijali, il-Gvern qiegħed jieħu r-responsabbilita’ għat-tmexxija ta’ dawn iż-żoni.”  Is-Segretarju Parlamentari għan-Negozji Żgħar u s-Self Employed, L-Onor. Edwin Vassallo kien qed jitkellem waqt konferenza ta’ l-aħbarijiet li saret fiż-Żona Industrijali ta’ l-Imrieħel fi tmiem ix-xogħol infrastrutturali li kien qiegħed isir f’din iż-żona.
Ħdax-ilxahar ilu kienet ħarġet it-tender għall-kostruzzjoni mill-ġdid ta’ dawn id-disa’ toroq.  Ix-xogħol ma kienx jikkonsisti biss f’għoti ta’ wiċċ it-triq bit-tarmak, iżda sar xogħol kbir fejn jidħlu servizzi ġodda ta’ l-ilma, drenaġġ, storm-water systems mat-triq kollha u bankini kompluti b’service culverts.  Illum, x-xogħol kollu li kellu jsir huwa lest.  F’din iż-żona ta’ l-Imrieħel il-Gvern investa b’aktar minn Lm1.5 Miljun.  Kif wieħed jista’ jara, sar ħafna xogħol, u l-bidla minn kif kienu għal kif inhuma issa t-toroq tidher u tinħass, iżda għad baqa’ ħafna xi jsir.

L-Onor. Vassallo qal li “Ser inkomplu naħdmu mal-Kunsilli Lokali ta’ dawn il-komunitajiet, iżda l-ispiża ta’ l-investiment ta’ dak li sar u dak li ser ikompli jsir ser tibqa’ spiża tal-Gvern Ċentrali.  Sa ftit ilu, dawn it-toroq kienu toroq kollha trab, kienu passaġġi minn fejn kienu jbatu biex jgħaddu l-karozzi, iżda llum qegħdin naraw toroq mibnija kif suppost.  Prosit u grazzi lill-kuntratturi li għamlu biċċa xogħol tajba u ħadmu mill-aħjar li setgħu.  Grazzi wkoll lill-ADT li kienet l-Awtorita` li kkordinat ix-xogħol.  Grazzi wkoll imur għal dawk kollha li jaħdmu f’din iż-żona u li għenu u kkoperaw biex ix-xogħol seta’ jsir.”  

“Illumwasal fi tmiemu x-xogħol infrastrutturali ta’ għoti ta’ tarmak fiż-żona industrijali ta’ l-Imrieħel u b’hekk issa nistgħu nkomplu b’ħidma oħra fost is-self-employed u n-negozji żgħar biex nagħtu l-għajnuna tagħna sabiex intom tkunu tistgħu taħdmu aħjar f’din iż-żona industrijali.”
L-impenntal-Gvern huwa li din iż-żona industrijali, kif ukoll oħrajn bħal Ħandaq u Mosta, jkunu żoni industrijali organizzati, addattati biex jaħdmu n-nies fihom u anke biex il-konsumaturi jinqdew aħjar.
Is-SegretarjuParlamentari Edwin Vassallo kompla jgħid li “Irridu li ż-żoni industrijali jkunu mgħammra b’kull servizz u nkunu kapaċi nżommuhom nodfa. Għal dan il-għan, il-Gvern ħa r-responsabbilita’ sħiħa ta’ dawn iż-żoni f’idejh biex jara li jinżamm kuntatt ma’ dawk li jaħdmu f’dawn iż-żoni u biex jara li dak li hu meħtieġ li jsir, isir.”
Il-programmta’ ħidma tax-xogħol li baqa’ jsir jikkonsisti f’dawn l-inizjattivi:

            1.                  Twaħħil ta’ ismijiet tat-toroq fejn sa issa ma jeżistux
2.                  Installazzjoni ta’ madwar 51 bozza tad-dawl ġodda kull fejn hu meħtieġ
3.                  Twahhil ta’ numru ta’ tabelli, b’appelli sabiex iż-żona tinżamm nadifa
4.                  Jiġu introdotti sinjali u tabelli oħra tat-traffiku sabiex iż-żona tkun aktar
                     organizzata
5.                  Jiġi mfassal pjan ta’ servizzi ta’ l-indafa, b’koperazzjoni mas-sidien.  

Is-Segretarju Parlamentari Edwin Vassallo temm b’appell lil kull min jaħdem f’żoni industrijali.  “Din iż-żona industrijali hija darkom, minn hawn taħdmu u tbiegħu il-prodotti u s-servizzi tagħkom.  Ibżgħu għax-xogħol li sar.  Żommu dawn it-toroq nodfa.  Kunu organizzati fil-postijiet tagħkom u araw li din iż-żona industrijali tibqa’ oganizzata. Il-Gvern, permezz tas-Segretarjat għan-Negozji Żgħar u s-Self Employed, għandu programm ta’ ħidma xi jwettaq, u  bil-għajnuna tagħkom, irridu nkomplu nkunu ta’ appoġġ kontinwu għalikom.”

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

More Press Releases Right arrow