CT SCANNER ĠDID FL-ISPTAR SAN LUQA
Nhar l-Erbgħa 15 ta’ Ġunju fl-Isptar San Luqa ġiet inawgurat CT Scanner ġdid li minnha se jgawdi l-poplu Malti kollu. Bħal f’kull okkażżjoni simili saret attività għall-media biex il-pubbliku Malti jkun infurmat dwar din il-faċilità ġdida li se tkompli ttejjeb is-servizz li jingħata fid-Dipartiment tar-Radjoloġija fl-Isptar San Luqa.
Kienet stramba li l-media li xxaqleb lejn l-Oppożizzjoni kienet assenti totalment. Dan jistona ferm wara li l-Kap ta’ l-Oppożizzjoni ddikjara li se jiffoka fuq is-Saħħa. Kull min jaħdem fil-media mhux talli m’għandux joqgħod lura milli jinforma lill-pubbliku b’dak li jkun qed jiġri imma hu fid-dover li jkun lejali lejn il-publiku u jagħtih informazzjoni korretta.
Is-CT Scanner ġdid li għadu kif beda jintuża jippermetti dianjożi aktar preċiża u f’iqsar żmien. CTscan kienet tieħu bejn għoxrin u tletin minuta u issa dan se jibda jsir f’żewġ minuti b’riżultati ferm aħjar. Is-sena l-oħra b’kollox saru 10,000 scan, tlett elef aktar minn ħames snin ilu. Meta fi ftit ġimgħat oħra jibda jsir użu sħih minn din il-magna, jibdew isiru aktar scans, uhu previst li ż-żmien ta’ stennija jonqos għalkemm id-domanda għal dan is-servizz mistennija tiżdied.
F’dawn l-aħħar snin id-Diviżjoni tas-Saħħa investiet ukoll fl-upgrading tal-MRI u f’żewġ magni ta’ l-ultrasound bi spiża ta’ madwar Lm700,000. Dan l-investiment wassal biex fi tliet snin in-numru ta’ MRI’s tela minn 1346 f’sena għal madwar 5,000 u ultrasound minn 11,000 għal 15,353. Fid-Dipartiment tar-Radjoljoloġija s-sena l-oħra saru 157,400 eżamijiet żieda ta’ 6,000 fuq is-sena ta’ qabel.
Stqarrijiet Oħra:
PR261947
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...
PR261946