Left arrow Go Back

LM66, 367 F'GĦAJNUNA FINANZJARJA LIS-SETTUR TAL-FNIEK

PR0924
Date Icon 20/06/2005

Is-Segretarju Parlamentari responsabbli mill-Biedja u s-Sajd, Dr Francis Agius, żar l-ikbar razzett tal-fniek f’Malta. 

Dr Agius spjega kif dan ir-razzet, fejn jidħol il-kobor tiegħu, huwa ukoll wieħed mill-ewwel għoxrin razzett tal-fniek fl-Ewropa.  F'dan ir-razzett hemm ’il fuq minn elf fenka mrobbija fuq l-aktar sistemi moderni b’maniġġ speċjalizzat u skond l-animal welfare.  

Ġie spjegat ukoll kif f'qasir żmien ser tinbena biċċerija skond l-istandards ta' l-Unjoni Ewropea ma’ l-istess razzett.  

Dan is-settur ibbenefika ukoll minn għajnuna mill-Unjoni Ewropea kif ukoll mill-Gvern Malti. L-għajnuna b'kollox tlaħħaq ’il fuq minn LM66,367 u tqassmet lil uħud mill-proċessuri tal-fniek.  Parti minn din l-għajnuna hija għal investiment fuq l-irziezet u parti għall-marketing u l-ipproċessar ta’ prodotti agrikoli.  

Dr Agius kompla jgħid kemm huwa importanti li dawk kollha midħla tas-settur agrikolu u tas-settur tas-sajd japplikaw għall-fondi li ġejjin mill-Unjoni Ewropea u mill-Gvern Malti.  Min japplika jrid ikun eliġibbli skond ir-regoli li jitolbu l-istess miżuri ta' l-Unjoni Ewropea.  Dr Agius qal li l-Ministeru appella kemm-il darba lill-bdiewa u s-sajjieda biex japplikaw għall-fondi li hemm biex jintużaw għal dan is-settur.  Il-lum qed naraw kif min japplika għall-fondi u jkun eliġibbli jista’ jibbenefika u allura jkun jista’ jirristruttura ruħu u jkompli jikkompeti f'dan is-suq.  

Minn dawn l-investimenti fis-settur agrikolu jibbenefika ukoll il-konsumatur li jsib il-prodott lokali frisk, ġenwin u f’kundizzjonijiet ta’ l-aħjar iġjene.  

Ġie spjegat ukoll kif il-ġwiez li jingħata lill-fniek f'dan ir-razzett jiġi pproċessat fil-post u kif jiġi mħallat xjentifikament skond iż-żmien tat-trobbija li jkunu fih il-fniek.  

Dr Agius tenna kif dan, għal darb’oħra, juri li s-settur ta' l-agrikoltura hemm postu f'pajjiżna u kif dan is-settur qed jibbenefika minn fondi ta' l-Unjoni Ewropea u tal-Gvern Malti kif kien imwiegħed qabel l-elezzjoni.  

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

More Press Releases Right arrow