Left arrow Go Back

DIBATTIUTU FIL-PARLAMENT DWAR ABBOZZ ĠDID TA’ LIĠI DWAR L-ARMI

PR0920
Date Icon 19/06/2005

Għada it-Tnejn 20 ta’ Ġunju ser jibda d-dibattiutu fil-Parlament dwar abbozz ġdid ta’ Liġi dwar l-Armi li għadu kif ġie ippublikat.  

Dan l-abbozz li kien il-frott ta`diskussjonijiet ma’ l-għaqdiet li għandhom x`jaqsmu mal-kollezzjoni ta` armi, u oħrajn li jużaw l-armi biex jipparteċipaw fi sport lokali u internazzjonali. Ir-regoli l-ġodda għandhom il-vantaġġ illi waqt li jsaħħu idejn il-Pulizija kontra l-abbużi, jiffaċiltaw iktar lill-isportivi u kolletturi in buona fede.

L-innovazzjonijiet prinċipali huma dawn:  

(a)regoli iktar liberali għal min jeżerċita l-isport ta` l-isprar.  Hija parti mill-politika tal-Gvern illi sparar fuq plattini u targets oħra f`shooting ranges liċenzjati jiġi inkorraggit; mhux biss minħabba il-parteċipazzjoni ta` sportivi Maltin f`kompetizzjonijiet iżda anki sabiex min iħobb dan l-isport ma jkollux għalfejn jirrikorri għal sparar fuq tjur;
(b)Basta l-isparar isir f` ranges awtorizzati, it-tip ta` armi li jistgħu jintużaw qed jiġu estiżi minn dak li hu illum iżda l-Kummissarju jista` jimponi limitu fuq in-numru ta` armi li jistgħu jinżammu minn kull persuna għal dan l-iskop;
(c)Żgħażagħ sportivi li sal-lum ma setgħux jipparteċipaw f`ebda sparar se jkunu jistgħu, taħt supervizjoni, jaddestraw ruħhom f`dan l-isport basta għandhom sittax-il sena u b`armi ta` kategoriji limitati;
(d)Il-kolletturi se tinħarġilhom liċenzja speċjali u jistgħu jkollhom fil-possess tagħhom armi antiki li ser jiġi deskritti bħala armi illi ġew manifatturati qabel it-tmiem tat-Tieni Gwerra Dinjija cioe` sa` l-aħħar tas-sena 1945.
(e)Twaqqaf il-Bord dwar l-Armi li fuqu se jkunu rappreżentati għaqdiet tal-Gun Lobby, il-Federazzjoni tal-`shooters`` u għaqdiet tal-kaċċa li jagħtu parir fuq il-ħrug ta` liċenzji għall-kolletturi, u anki dwar għoti ta` liċenzji  sabiex wieħed iżomm jew iġorr arma tan-nar f`Malta
(f)Kompetituri barranin se jingħataw il-faċilita` sabiex jipparteċipaw f`kompetizzjonijiet lokali f`Malta, kif ukoll qed jiġu faċilitati avvenimenti ta` rikostruzzjoni storika b`użu ta’ armi antiki.
(g)Kull min hu f`pussess legali ta` arma tan-nar qabel ma` jidħol fis-seħħ dan l-abbozz jibqa` regolat bil-liġi l-antika;

Il-Minsiteru tal-Ġustizzja u l-Intern jieħu din l-okkażjoni biex jirringrazzja lill-għaqdiet kollha li taw sehemhom sabiex Malta ukoll ikollha liġi moderna dwar l-armi illi fl-istess waqt tħares id-drittijiet tas-soċjeta` u l-ordni pubbliku, u l-interessi ta` kollezjonisti u sportivi Maltin.  

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

More Press Releases Right arrow