RIŻULTATI TAJBIN F’ANDORRA
Il-Ministru responsabbli għall-iSport, Louis Galea, feraħ lill-kontinġent, u partikolarment lill-atleti li rrappreżentaw lil Malta f’Andorra għar-riżultati tajbin li kisbu f’din l-edizzjoni tal-Logħob tal-Pajjiżi ż-Żgħar. B’7 medalji tad-deheb, 13 tal-fidda u 17 tal-bronż l-atleti Maltin kisbu s-sitt post wara l-Andorra stess u qabel San Marino u l-Liechtenstein. Il-Ministru Galea qal li għal din l-edizzjoni tal-Logħob tal-Pajjiżi ż-Żgħar l-Atleti Maltin irnexxielhom jiksbu l-akbar numru ta’ medalji barra minnpajjiżna. Louis Galea rringrazzja lill-Kumitat Olimpiku Malti li bil-ħidma tiegħu l-atleti Maltin setgħu jaslu fejn waslu.
Il-Ministru Galea qal li l-isfida li jmiss se jkunu l-15-il edizzjoni tal-Logħob tal-Mediterran li se jsiru f’Almeira (Spanja). “Aħna fiduċjużi li pajjiżna jkollu atleti kapaċi jiksbu riżultati anke f’dan il-livell. Aħna fiduċjużi wkoll mill-impenn enormi minn naħa ta’ l-atleti li qed jikkompetu fuq livell internazzjonali”.
Stqarrijiet Oħra:
PR261947
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...
PR261946