RIKONOXXIMENT GĦAL MALTA DWAR IT-TIPJIP
Malta flimkien ma’ erba’ pajjiżi oħra, Irlanda, Italja, Skozja u Svezja ngħatat għarfien għall-ħidma tagħha biex tikkontrolla l-ħsara li jsir mit-tipjip.
Il-Ministru Louis Deguara f’isem il-gvern Malti rċieva lis-Smoke Free Europe2005 Gold Award fil-Lussemburgu waqt konferenza organizzata minn Smoke Free Europe. Għal din il-konferenza attendew għadd ta’ ministri tas-saħħa minn pajjiżi Ewropej, membri parlamentari kif ukoll bosta rappreżentanti minn għaqdiet mhux governattivi.
Il-konferenza kienet organizzata mill-European Respiratory Society, il-European Heart Network, il-European Cancer Leagues u il-French Ligue National Contre la Cancer taħt il-bandiera tas-Smoke Free Europe 2005
Il-Ministru Deguara għamel il-keynote speech fejn ta dettalji dwar il-ħidma tal-gvern Malti f’dan il-qasam matul l-aħħar ħmistax-il sena. Pajjiżi oħra wkoll elenkaw il-ħidma u l-istrateġija li użaw biex introduċew regolamenti kontra t-tipjip u ħareġ ċar li kollha ffaċċjaw problemi komuni biex dan seta’ jsir. Jirriżulta wkoll li l-livell ta’ aċċettazzjoni tal-pubbliku fejn ġew introdotti r-regolamenti kontra t-tipjip hu konsistenti.
Wara din il-konferenza Dr. Deguara l-Ministru tas-Saħħa, l-Anzjani u Kura fil-Komunità, attenda għal-laqgħa tal-EPSCO fejn ħa sehem attiv b’interventi dwar diversi suġġetti dwar il-qasam tas-saħħa.
Stqarrijiet Oħra:
PR261947
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...
PR261946