Left arrow Go Back

IL-KUMPANIJA YADA ŻŻEWWAQ IL-KARNIVAL T’GĦAWDEX

PR0757
Date Icon 26/05/2005

Bħala parti mill-Karnival li se jiġi organizzat f’dawn il-jiem f’Għawdex, il-Kumitat Organizzativ Kultura fi ħdan il-Ministeru għal Għawdex ser itella’ serata ta’ żfin “MERĦBA” bis-sehem tal-kumpanija YADA fil-Belt Victoria.  

L-attivita’ qed tiġi organizzata mill-Ministeru għal Għawdex fl-okkażjoni tal-ħamsa u għoxrin Konvenzjoni tal-Foundation of European Carnival Cities (FECC) li se ssir f’Għawdex għall-ewwel darba. Tnax-il żeffien mill-Young Actors and Dancers Association (YADA), immexxija miż-żeffien u korjografu Għawdxi Felix Busuttil, se joħduna lura permezz taż-żfin tul dawn l-aħħar eluf ta’ snin ta’ storja kulturali u soċjali ta’ pajjiżna.  

L-FECC twaqqfet fl-1980 u minn dakinhar ġew organizzati żewġ konvenzjonijiet f’Malta fl-1987 u fl-1995. Il-Kunsill tal-Kultura fi ħdan il-Ministeru għal Għawdex ilu membru ta’ din il-fondazzjoni mill-1994.  

L-attivita’ organizzata mill-Kumitat Organizzativ Kultura għal din l-okkażjoni se tikkumplimenta l-għadd ta’ attivitajiet organizzati mill-Kunsill Lokali Nadur li huma mifruxa mis-Sibt, 28 ta’ Mejju sas-Sibt 4 ta’ Ġunju.  

L-attivita’ li tibda b’defile’ tul Triq ir-Repubblika, se ssir fi Pjazza Indipendenza, Victoria nhar il-Ħadd, 29 ta’ Mejju fit-8.00pm. Kulħadd huwa mistieden li jattendi.  

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

More Press Releases Right arrow