Left arrow Mur Lura

SKOLASAJF - PROGRAMM KREATTIV GĦALL-ISTUDENTI

PR0708
Date Icon 17/05/2005

Madwar 4,000 tifel u tifla mill-iskejjel statali, tal-knisja, u indipendenti, jipparteċipaw fi Skolasajf. Jieħdu sehem ukoll madwar 330 studenti Universitarji li qed isegwu korsijiet li għandhom x’jaqsmu ma’ l-edukazzjoni u madwar 130 kapijiet/assistenti kapijiet/għalliema bħala ko-ordinaturi fiċ-Ċentri ta’ Skolasajf.   

Il-Ministru ta’ l-Edukazzjoni, Żgħażagħ u Xogħol, Louis Galea nieda l-għaxar edizzjoni tal-programm Skolasajf. Il-programm Skolasajf joffri l-opportunità lil studenti li jkollhom programm edukattiv u kreattiv tul ix-xhur tas-sajf biex filwaqt li jużaw il-ħin liberu tagħhom b’mod produttiv, ikunu qed jilagħbu u jitgħallmu ma’ sħabhom.  Skolasajf toffri wkoll l-opportunita’ lill-ġenituri ta’ l-istudenti, speċjalment dawk li jaħdmu, biex fil-ħinijiet tax-xogħol ikunu moħħhom mistrieħ dwar x’qed jagħmlu t-tfal.  

Skolasajf 2005 ser tiftaħ il-bibien tagħha bejn il-Ħamis 14 ta’ Lulju u t-Tnejn 5 ta’ Settembru 2005, kuljum mit-Tnejn sal-Ġimgħa bejn id-9.00a.m. u 12.00p.m. Il-Programm hu miftuħ għat-tfal tar-raba’, l-ħames u s-sitt klassi ta’ l-iskejjel primarji kollha (Stat, Knisja u Indipendenti).  Iċ-ċentri tas-Skolasajf huma mqassmin madwar Malta u Għawdex biex kulħadd ikun moqdi.  

Il-Ministru Galea qal li t-tema magħżula għal din is-sena hija “It-tfal: Ċittadini B’Impenn”. Se niffukaw fuq l-oqsma ta’ Saħħa, Kultura u Ambjent. Dan fl-okkażjoni tas-sena Ewropea taċ-Ċittadinanza permezz ta’ l-Edukazzjoni.  

Tfal li jattendu l-iskola bl-għajnuna tal-‘facilitator’ se jkollhom dan is-servizz ukoll għall-Programm Skolasajf filwaqt li dawk it-tfal li jattendu l-iskejjel speċjali se jkollhom programmi apposta.  

Hemm ukoll programm magħruf bħala Klabbsajf għal dawk l-istudenti li tul is-sena skolastika jingħataw is-servizz ta’ l-għajnuna kumplimentari fil-litteriżmu.  Dan il-programm hu maħsub apposta biex jgħin lil dawn l-istudenti jimxu ’l quddiem fl-edukazzjoni.  

L-applikazzjonijiet għal skolasajf jistgħu jinkisbu mill-iskejjel Primarji jew inkella minn fuq il-website tal-Ministeru ta’ l-Edukazzjoni www.education.gov.mt

L-applikazzjonijiet għandhom jaslu fl-iskejjel fejn t-tfal ikunu se jattendu, sa mhux aktar tard minn nhar il-Ġimgħa 10 ta’ Ġunju.  Hemm ħlas nominali ta’ Lm 5 għal kull tifel jew tifla.

Informazzjoni Dwar il-Programm Skolasajf 2004  

L-iskopijiet ewlenin ta’ Skolasajf (Skejjel Primarji) huma:  

Li joffri lill-istudenti tar-raba’, l-ħames u s-sitt klassi ta’ l-iskejjel primarji programm ta’ attivitajiet edukattivi u rikreattivi li jagħtu tagħlim informali li jikkumplimenta u jsaħħaħ dak li jkun sar fis-sena skolastika.

Li tipprovdi lill-istudenti tal-B.Ed u studenti minn fakultajiet oħra, li jkunu fl-ewwel, t-tieni u t-tielet sena tal-kors tagħhom, opportunitajiet li josservaw u jikkomunikaw mat-tfal. Dan isir f’sitwazzjonijiet kreattivi u mhux daqshekk formali bħal ma jkunu matul is-sena skolastika.

Li jagħti lill-ġenituri, speċjalment lil dawk li jaħdmu, l-opportunita` li jsibu post adattat għall-kura ta’ wliedhom waqt il-vaganzi tas-Sajf.

PROGRAMM TA’ SKOLASAJF 2004  

Seminars għall-Ko-Ordinaturi kollha

Din is-sena ser isiru żewġ ‘seminars’ għall- ko-ordinaturi taċ-Ċentri kollhali jservi bħala preparazzjoni u  ko-ordinament bejn il-proġetti speċjali kollha.  

Programm għall-iSkejjel Primarji

Il-Programm ta’ ħidma għat-tfal fi Skolasajf jinkludi sessjonijiet ta’ tpinġija, drama, żfin, kant, mima, diskussjonijiet, sport u żjarat f’postijiet kulturali, industrijali u kummerċjali kemm fuq skala lokali kif ukoll fuq skala nazzjonali, per eżempju: fabbriki, mużewijiet, stazzjonijiet tar-radju, knisja parrokkjali, banek u uffiċċji, u Kunsilli Lokali.  

Minħabba xogħol ta’ kostruzzjoni f’diversi skejjel, saru arranġamenti meħtieġa biex it-tfal kollha jiġu offruti s-servizz ta’ Skolasajf. F’dan ir-rigward sibna għajnuna mill Kunsilli Lokali  

“Inħobb Nilgħab” Weetabix Fun Games Festivals

Matul l-ewwel gimgħat ta’ Skolasajf ser isiru attivitajiet reġjonali bejn 5 / 6 Ċentri fuq bażi eliminatorja. Dawk iċ-ċentri li jikkwalifikaw minn din il-fażi, jikkompetu f’attivita’ Nazzjonali fl-aħħar tas-sajf waqt il-Fieramaratona.  

Kunsilli ta’ l-Istudenti waqt Skolasajf

B’rabta wkoll mas-sena Ewropea taċ-Ċittadinanza permezz ta’ l-Edukazzjoni kull ċentru ta’ Skolasajf ser jerġa jiġi mħeġġeġ biex iwaqqaf kunsill ta’ l-istudenti li jipparteċipaw fi proċess ta’ konsultazzjonijiet f’deċizjonijiet li jolqtu liċ-Ċentru tagħhom.   

Programmi Speċjali fl-iskejjel

Dawn il-programmi jinkludu:

·        Diskussjonijiet mill-Aġenzija Sedqa

·        Programmi ta’ ħarsien tal-wirt kulturali -Fondazzjoni Wirt Artna

·        Healthy Breakfast Days

·        Ħarsien ta’ l-Annimali - S.P.C.A.

·        Programm Kreattiv fil-Kavallier ta’ San Gakbu.

·        Żjarat – Radju ta’ l-Universita’ - CAMPUS FM

·        Road Safety / First Aid Junior Course - Red Cross

·        Pottery – Taħriġ fis-sengħa tat-tafal  

Kull student se jipparteċipa f’xi wieħed/jew aktar  minn dawn il-programmi.  

Programm għall-iskejjel speċjali

Il-Programm ta’ Skolasajf ser jiġi offrut ukoll f’dawn l-Iskejjel Speċjali.

Hellen Keller-           Qrendi
San Miguel-           St. Andrews
Guardian Angel-           Ħamrun
Dun Manwel Attard-           Wardija
Profs Guze Aquilina Special Unit-           Sannat

Fieramaratona

Kif isir kull sena Skolasajf tagħlaq bil-“Fieramaratona” li ser issir bejn l-Erbgħa 31 ta’ Awissu u l-Ħadd 4 ta’ Settembru 2005, fil-Liceo tal-Bniet Maria Regina l-Blata l-Bajda.  L-għanijiet ewlenin ta’ din il-fiera huma li:

·     Tiġbor flimkien eżempji tax-xogħol tat-tfal f’wirja nazzjonali

·     Tagħti opportunita’ lill-iskejjel li juru attivitajiet kulturali (per eżempju mima, drama, sport u kant)  

Klabbsajf

L-għan ta’ dan il-programm hu li jilħaq lil dawk it-tfal li matul is-sena skolastika 2004/2005 kienu jirċievu għajnuna kumplimentari. Il-Programm Klabbsajf ser jiftaħ f’dawn iċ-Ċentri:

Malta

Għawdex

B’Kara ‘A’

Nadur

B’Bugia ‘A’

Sannat

Fgura ‘A’

Victoria

M’Scala

Xagħra

Mosta ‘A’

Xewkija

San Ġwann ‘A’

Siġġiewi

San Pawl il-Baħar

Valletta

Żabbar ‘A’

Żebbug ‘A’

Żejtun ‘A’

Żurrieq ‘A’

Community Chest Fund

Bħalma sar matul dawn l-aħħar snin, matul il-programm ta’ Skolasajf ser jinġabru flus fuq bażi volontarja b’risq il-Community Chest Fund. Għal dan l-iskop it-tfal ser jiġu mħeġġa li jkunu ta’ servizz billi jtellgħu Talent Shows fiċ-Ċentri rispettivi tagħhom.   

Sponsors

Din is-sena wkoll Skolasajf qed issib għajnuna siewja minn PAOLO BONNICI  LTD (Rappreżentanti tal-Weetabix f’Malta.)  Qed joffru l-għajnuna tagħhom permezz ta’:

·        Healthy Breakfast f’kull Ċentru

·        Xiri ta’ apparat sportiv

·        Xiri ta’ materjal edukattiv  

HSBC - Qed joffri kotba, CD’s u materjal edukattiv ieħor biex jintużaw fil-Programm Klabbsajf.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

Aktar Stqarrijiet Right arrow