“DARBA TIĠIK ĦAŻINA!”
Is-Segretarju Parlamentari Edwin Vassallo, flimkien ma’ Dr. Mark Gauci, CEO ta’ l-Awtorita’ għas-Saħħa u s-Sigurta’ fuq il-Post tax-Xogħol (OHSA), ħabbru skeda ta’ attivitajiet mifruxa fuq 30 ġurnata, li ser isiru fiż-żoni industrijali ta’ Ħaż-Żebbuġ, il-Ħandaq, l-Imrieħel u l-Mosta. Waqt din l-iskeda ser tkun mogħtija informazzjoni dwar miżuri li jistgħu jittieħdu fuq il-post tax-xogħol biex ikunu evitati diżgrazzji u nċidenti, għaliex kif jgħidu: “Darba tiġik ħażina!”
Minn kliem is-Segretarju Parlamentari Edwin Vassallo, deher ċar l-impenn ta’ ħidma biex iż-żoni ndustrijali li ma jaqgħux taħt ir-responsabbilita’ tal-Malta Enterprise jiġu organizzati u fejn il-kummerċ isir b’iktar effiċjenza, bl-anqas spejjeż u b’aktar attenzjoni għall-kwalita’. “Mal-ħidma biex f’dawn iż-żoni ndustrjali nwasslu s-servizzi nfrastrutturali u t-toroq jingħataw it-tarmac, issa jmiss li nerġgħu lura għand dawn is-sidien ta’ negozji żgħar u self employed biex nitkellmu magħhom dwar il-ħtieġa li huma jagħtu l-attenzjoni meħtieġa biex waqt li jkunu jaħdmu, jaraw li jnaqqsu kull periklu minn fuq il-post tax-xogħol. Dan il-messaġġ jiswa’ kemm għal min huwa self employed, kif ukoll għal min iħaddem.
“ Meta tingħata attenzjoni biex fuq il-post tax-xogħol jitnaqqas il-periklu għal min ikun qiegħed jaħdem fih.” Is-Segretarju Parlamentari Edwin Vassallo kompla jitkellem dwar kif il-messaġġ li ser jingħata lil min jaħdem f’dawn iż-żoni ndustrijali huwa li ma nistghux nibqgħu naħsbu li kollox jgħaddi u biex niffrankaw spiża nkunu kapaċi nipperikolaw ħajjitna jew ħajjet dawk li jaħdmu magħna. Spiża ta’ korriment jew inċident fuq il-post tax-xogħol jiswa’ ferm aktar minn spiża li permezz tagħha jitħallsu l-miżuri ta’ sigurta’ fuq il-post tax-xogħol. Ħdejn il-ħajja m’hemm l-ebda spiża li ma għandhiex titħallas. L-Onor. Vassallo ta dettalji dwar in-numru ta’ nċidenti li seħħew matul is-sentejn li għaddew.
Numru ta’ ncidenti fatali tul l-2003 u l-2004:
FATALITAJIET
2003
2004
RĠIEL
12
11
NISA
0
1
TOTAL
12
12
Table 1 : Source: NSO
Inċidenti fuq ix-xogħol 2004 imqabbla ma’ 2003:
2003
2004
Differenza
Differenza %
RĠIEL
4,208
3,611
597
-14.2
NISA
538
500
38
-7.1
TOTAL
4,746
4,111
635
-13.4
Table 2: Source NSO
Is-Segretarju Parlamentari Edwin Vassallo qal li “meta wieħed iqabbel il-figuri ta’ l-inċidenti li seħħew matul is-sena 2004 ma’ dawk li seħħew matul is-sena 2003, wieħed jinnota li kien hemm tnaqqis fin-numru ta’ nċidenti. Dan jista’ jkun li ġara minħabba li qed ikun hemm aktar ħsieb u qed jitnaqqas xi ftit il-periklu minn fuq il-post tax-xogħol, iżda xorta waħda l-figuri huma nkwetanti, u hemm bżonn li nkunu aktar konxji ta’ l-importanza li nagħtu kaz tas-sigurta’ u s-saħħa tagħna u tal-ħaddiema tagħna. Huwa għalhekk li, flimkien ma’ l-OHSA, is-Segretarjat tiegħi qiegħed jorganizza din l-iskeda ta’ attivitajiet.”
Dwar l-attivitajiet li ser ikunu organizzati, l-Onor Vassallo qal li dawn ser ikunu jikkonsistu f’ġimgħa attivjitajiet f’kull żona industrijali msemmija. “Qegħdin nippjanaw li uffiċjali mis-Segretarjat tiegħi, kif ukoll uffiċjali ta’ l-Awtorita’ tas-Saħħa u s-Sigurta’ fuq il-Post tax-Xogħol ser ikunu qed jagħmlu żjara f’kull negozju, kif ukoll fl-istess lokalitajiet ser ikollna exhibition fl-iskejjel primarji u taħdidiet mat-tfal ta’ l-iskejjel primarji biex it-tfal ikunu konxji wkoll tal-perikli li l-ġenituri tagħhom li joħorġu jaħdmu,jistghu isibu ma’ wiċċhom.” L-Onor. Vassallo semma wkoll poster apposta li ġie ddisinjat u li qieghed jitqassam fiż-żoni industrijali tal-Ħandaq, l-Imrieħel, Ħaż-Żebbuġ u l-Mosta. Is-Segretarju Parlamentari Vassallo qal li dan il-poster “huwa maħsub biex ikompli jsaħħaħ il-messaġġ li qegħdin nippruvaw inwasslu, biex fl-aħħar mill-aħħar ħadd ma jweġġa, u fuq il-post tax-xogħol ikunu imħarsa s-saħħa u s-sigurta’ tal-ħaddiema.”
Poster in pdf
Poster in jpg
Stqarrijiet Oħra:
PR261947
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...
PR261946