Left arrow Mur Lura

DELEGAZZJONI MILL-KUWAIT IŻŻUR SKEJJEL TA’ L-ISTAT

PR0285
Date Icon 25/02/2005

Bħala parti minn żjara li qed issir f’pajjiżna mill-Ministru ta’ l-Edukazzjoni u Edukazzjoni Ogħla tal-Kuwait E.T. Dott. Rashed Hamad Al-Hamad flimkien ma’ delegazzjoni ta’ uffiċjali għolja mill-istess pajjiż, id-delegazzjoni mill-Kuwait żaret l-iskola primarja Tumas Dingli ta’ Ħ’Attard u l-Junior Lyceum Carlo Diacono fiż-Żejtun.  Fil-jiem li għaddew id-delegazzjoni kellha laqgħat mal-Ministru ta’ l-Edukazzjoni Louis Galea, u saru żjarat fl-Università ta’ Malta u l-MCAST.  Il-Ministru Al-Hamad għamel żjarat ta’ kortesija lill-Prim Ministru u lill-President ta’ Malta.  

Waqt iż-żjarat li saru f’dawn il-jiem, id-delegazzjoni mill-Kuwait kellha l-opportunità tara l-faċilitajiet u r-riżorsi li għandu pajjiżna fil-qasam edukattiv bl-iskop li ż-żewġ pajjiżi ikunu jistgħu jikkollaboraw f’diversi oqsma kif ukoll joħolqu skemi ta’ skambju bejn iż-żewġ pajjiżi.  

Fl-iskola primarja ta’ Ħ’Attard, id-delegazzjoni ġiet milqugħa mill-Kap ta’ l-Iskola, is-Sur Mario Testa, is-Sindku ta’ Ħ’Attard is-Sur Norbert Pace u l-Ministru Louis Galea.  Id-delegazzjoni żaret il-klassijiet u l-faċilitajiet li hemm f’din l-iskola kif ukoll raw xogħlijiet ta’ l-istudenti li tħejjew għal wirja li hi esebita fl-istess skola u li tittratta aspetti differenti tal-Kuwait inkluż il-kultura, ġografija u tradizzjonijiet.  Waqt attività li saret fis-sala ta’ l-iskola, l-istudenti Maltin taw ittra lill-Ministru Al-Hamad biex din tingħata lil studenti tamparhom fil-Kuwait, it-tfal spegaw ukoll permezz tad-drama kif il-komunikazzjoni u l-kooperazzjoni bejn iż-żewġ pajjiżi hu bħat-tajn li jgħaqqad il-ġebel flimkien biex nibnu d-djar tagħna.  

Fil-Liċeo tal-bniet Carlo Diacono fiż-Żejtun id-delegazzjoni ntlaqet mill-Kap ta’ l-iSkola is-Sin. Maria Ciappara, il-Kunsill ta’ l-Iskola u s-Sur Joe Attard Sindku taż-Żejtun.  Waqt attività li saret fis-sala ta’ l-iskola, studenti li qed jitgħallmu l-Għarbi fl-iskola, qraw siltiet u poeżiji bl-Għarbi kif ukoll ħejjew żifna tipika, waqt li l-istudenti tal-European Studies ħejjew preżentazzjoni awdjo-viżiva fejn għamlu paragun  demografiku u kulturali bejn il-Kuwait u pajjiżna.  

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

Aktar Stqarrijiet Right arrow