JIBDA JASAL L-APPARAT MEDIKU GĦALL-ISPTAR MATER DEI
F’dawn il-ġranet beda jasal Malta l-apparat mediku għall-isptar Mater Dei. Dan l-apparat li qiegħed f’għoxrin container għalissa se jinżamm fl-istores u taħt ir-responsabbiltà tal-kumpanija INSO fil-Freeport fejn se jiġi miftuħ u magħżul skond il-ħtieġa. L-apparat se jinżamm fl-imħażen tal-kumpanija u jiġi trasportat lejn Mater Dei jew San Luqa skond il-ħtieġa. Parti minn dan l-apparat mediku se jintuża fl-isptar San Luqa għax hemm bżonn urġenti għalih.
Hekk il-poplu Malti se jibda jgawdi minn issa mill-apparat mediku ta’ l-isptar Mater Dei. Tekniċi barranin għandhom fil-ġranet li ġejjin jiġu Malta biex dan l-apparat ikun installat mill-aktar fis. L-apparat li se jiġi installat fl-isptar San Luqa, huwa tali li jista’ jinġarr faċilment minn post għall-ieħor. Hekk, meta jasal iż-żmien biex is-servizzi kollha jiċċaqalqu mill-isptar San Luqa għall-isptar Mater Dei, it-trasferriment ta’ dan l-apparat issir b’kumdità u mingħajr ma tiġi ikkawżata ħsara fuq l-apparat.
Tajjeb jingħad li bħalissa digà nbeda l-proċess ta’ l-installazzjoni ta’ apparat li ghandu impatt infrastrutturali u tekniku fuq il-bini. Fil-fatt din hija r-raġuni għaliex dawn l-għoxrin container ta’ apparat waslu u ġew iddeliverjati f’Malta minn Inso SpA. L-istallazzjoni ta’ dan l-apparat hi urġenti biex ikunu jistgħu jingħalqu s-soqfa u l-ħitan fejn se jeħel dan l-apparat.
Fil-ġimgħat li ġejjin ikompli jasal aktar apparat, skond l-esiġenzi tal-proġett u l-programm li gie miftehem bejn il-gven Malti u Skanska Malta JV.
Stqarrijiet Oħra:
PR261947
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...
PR261946