ŻIEDA FIN-NUMRU TA’ PARTEĊIPANTI MALTIN FIL-PROGRAMM YOUTH TA’ L-UE FL-2004
Matul is-sena 2004, l-Aġenzija Nazzjonali Maltija tal-Programm YOUTH rat żieda fin-numru ta’ benefiċjarji żgħażagħ Maltin. Il-figura totali għas-sena li għaddiet kienet taqbeż l-400 parteċipant. L-aktar żvilupp pożittiv kien iż-żieda fin-numru ta’ parteċipanti Maltin li ngħataw fondi sabiex jieħdu sehem fis-Servizz Volontarju Ewropew (it-Tieni Azzjoni) barra minn Malta, liema pajjiżi kienu jinkludu l-Awstrija, ir-Renju Unit, l-Italja, u l-Irlanda. Żieda oħra importanti seħħet fin-numru ta’ żgħażagħ Maltin li ħadu sehem f’ korsijiet ta’ taħriġ u seminars li ġew organizzati minn aġenziji nazzjonali barranin. Dawn it-tip ta’ attivitajiet, li jiffokaw fuq edukazzjoni mhux formali, ġew iffinanzjati mill-Kummissjoni Ewropea, DG - Edukazzjoni u Kultura. Kien hemm ukoll żidiet oħrajn fin-numru ta’ parteċipanti li bbenefikaw mill-Ewwel Azzjoni - Skambji ta’ Żgħażagħ, mit-Tielet Azzjoni - Inizjattivi taż-Żgħażagħ, u l-Ħames Azzjoni - Miżuri ta’ Appoġġ.
Stqarrijiet Oħra:
PR261947
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...
PR261946