L-Aġenzija ta’ Pagament (Paying Agency) ġiet pre-akkreditata mill-Unjoni Ewropea
PR565
20/04/2004
| L-Aġenzija | ta’ Pagament (Paying Agency) ġiet pre-akkreditata mill-Unjoni Ewropea |
| L-Aġenzija | ta’ Pagament, li taqa’ taħt ir-responsabilta’ tal-Ministeru għall-Affarijiet Rurali u l-Ambjent ġiet formalment akkreditata u b’hekk se tkun qed tamministra l-għajnuna finanzjarja li tingħata mill-Unjoni Ewropea wara l-1 ta’ Mejju li ġej. |
| Dan | ifisser li l-bdiewa, raħħala u sajjieda tagħna se jkunu f’pożizzjoni li jibbenefikaw bl-aħjar mod mill-għajnuna ta’ l-Unjoni Ewropea. |
| Bħalma | tħabbar fl-aħħar jiem, l-Aġenzija ta’ Pagament kienet pre-akkreditata wara proċess li matulu sar l-awditjar minn kumpannija indipendenti tal-proċeduri amministrattivi u s-sistemi ta’ IT li bihom se tkun qed topera din l-Aġenzija. Dan l-awditjar ikkonferma li l-istruttura ta’ l-Aġenzija hija konformi mar-regolamenti u l-obbligi ta’ l-Unjoni Ewropea. |
| Dan | huwa l-aħħar pass minn proċess sħiħ li ilu għaddej għal dawn l-aħħar xhur u li matulu kien hemm okkażjonijiet li matulhom tqanqlu dubji dwar kemm fil-fatt l-istrutturi Maltin se jkunu lesti biex joperaw skond ir-regolamenti ta’ l-Unjoni Ewropea. Il-Gvern dejjem qal li l-proċess miexi kif stabbilit fin-negozjati tas-sħubija. |
| Tajjeb | ikun imfakkar li x-xogħol kollu fuq it-tfassil tas-sistemi ta’ proċedura ta’ l-Aġenzija sar minn ħaddiema Maltin. Dan ix-xogħol diġa’ qed iħalli l-ewwel effetti pożittivi għaliex Malta saret l-ewwel pajjiż, minn fost il-pajjiżi membri ġodda, li bdiet tilqa’ applikazzjonijiet għal għajnuna, iffinanzjati mill-fondi ta’ l-Unjoni Ewropea għal wara s-sħubija u mill-Gvern Malti. Din l-għajnuna tlaħħaq għal madwar €184 miljuni. |
| Din | hija konferma oħra li l-Gvern, bil-fatti, qed iħejji l-istrutturi kollha biex pajjiżna jkun jista’ jiffunzjona kif jixraq fir-realta’ ġdida li se ġġib magħha s-sħubija fl-Unjoni Ewropea. Dan il-pass effettivament qed ipoġġi l-bdiewa, raħħala u sajjieda Maltin u Għawdxin fuq l-istess livell ma’ sħabhom Ewropej. B’hekk, tabilħaqq, Malta tista’ tkompli tikber fl-Ewropa. |
| DOI – | 20.04.2004 |
Stqarrijiet Oħra:
PR261936
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...
PR261935en