Left arrow Mur Lura

MALTA FUS TAD-DJALOGU FIL-MEDITERRAN

PR343
Date Icon 12/03/2004

L-Universita’ ta’ Malta ingħatat madwar € 500,000 biex tkun tista toħloq ‘network’ tematiku (thematic Network) li jinvolvi l-pajjiżi kollha tal-UE, pajjizi mill-Mediterran u pajjiżi ġirien.  Mill-Universitajiet kollha ta’ l-UE,  hemm 52 universita’ li tmexxi xi ‘network’ tematiku u l-Universita’ hi waħda minn dawn l-universitajiet.  L-Universita’ hi ukoll involuta fi 42 minn dawn in-‘networks’. 

In-‘Network’ tematiku li qed tmexxi l-Universita’ ta’ Malta hi daqsxejn differenti minn oħrajn peress li mhix ristretta biss għal istituzzjonijiet akkademiċi biss, iżda hi miftuħa wkoll għall-kommunita’ bl-involviment ta’ l-imsieħba soċjali.   

It-tema magħżula għal dan in-network hi d-djalogu bejn il-pajjiżi tal-mediterran u pajjiżi fix-xlokk ta’ l-Ewropa.  In-network se jkun qed jiffoka fuq seba’ oqsma li jinkludu: 

1.    Storja, Arkeoloġija, kultura u wirt kulturali, tradizzjonijiet u lingwi

2.    Kwalita’ tal-ħajja, protezzjoni ta’ l-ambjent, turiżmu, saħħa, ekoturiżmu u żvilupp sostenibbli.

3.    Liġi, leġislazzjoni fil-qasam turistiku, ambjent u kwalita’ tal-ħajja.

4.    Kompetizzjoni u suq ħieles: l-impatt tat-trasport, l-enerġija u l-politika fiskali u ta’ self.

5.    Żvilupp u użu ġdid ta’ prodotti tipiċi; żvilupp lokali u l-globalizzazjoni.

6.    Ix-xlokk, politika dwar internazzjonalizzazjoni ta’ l-UE; Jean Monnet network-research, riżorsi u sħubija ta’ “I Mediterranei”

7.    Informazzjoni, Statistiċi, Komunikazzjoni u Teknoloġija. 

Il-Ministru ta’ l-Edukazzjoni, l-Onor. Louis Galea inawgura dan in-network f’laqgħa li saret mill-Universita’ ta’ Malta għal dawk kollha li se jkunu qed jipparteċipaw f’dan in-network.  Fid-diskors tiegħu il-Ministru tkellem dwar l-irwol ġdid u importanti li Malta għandha issa bħala l-pajjiż li sar il-fruntiera l-ġdida fin-nofsinhar ta’ l-Ewropa.  Hu qal li pajjiżna irid ikun il-fus tad-djalogu fir-reġjun u jinseġ xibka ta’ komunikazzjoni u kollaborazzjoni bejn il-pajjiżi tal-mediterran u ta’ l-Ewropa.  Il-Ministru qal li s-solidarjeta’ trid tibqa l-prinċipju ewlieni biex niksbu bilanċ soċjali ibbażat fuq il-parteċipazzjoni u mhux fuq il-konflitt u l-vjolenza.  Irid ikun il-prinċipju tal-kooperazjoni internazzjonali li jwassalna biex niksbu l-paċi fid-dinja, biex b’hekk nitbegħdu minn kultura ta’ sopravvivenza u nersqu aktar lejn kultura ta’ parteċipazzjoni u paċi. 

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

Aktar Stqarrijiet Right arrow